ވަޒީފާއާއި ރުފިޔާ ދީގެން ދިވެހީން މައިތިރި ނުކުރެވޭނެ: އިބްރާ
ވަޒީފާއާއި ރުފިޔާއިން ދިވެހިން މައިތިރިކޮށްލެވޭނެ ކަމަށް ހީކުރުމަކީ ގޯހެއް ކަމަށް ވިދާޅުވެ އެމްޑީޕީގެ ކުރީގެ ރައީސް އިބްރާހިމް އިސްމާޢީލް (އިބްރާ) ވިދާޅުވެއްޖެއެވެ.
ރިޔާސީ އިންތިޚާބު ގާތްވެފައި ވަނިކޮށް އެ ޕާޓީން ވަކިވެވަޑައިގެންނެވި އިބްރާ ކުރެއްވި ޓްވީޓެއްގައި ވިދާޅުވީ އެމްޑީޕީން ލިޔެފައި އޮންނަ ސިޔާސަތުތަކާއި ހިންގާ ސިޔާސަތުތަކުގެ ތަފާތު ނުހަނު ބޮޑު ކަމަށެވެ.
އޭނާ މިގޮތަށް ވިދާޅުވީއިރު، އެއްބުރުން ރިޔާސީ އިންތިޚާބު ކާމިޔާބު ކުރައްވާނެ ކަމަށް ބުނި އެމްޑީޕީއަށް 40 އިންސައްތަ ވޯޓު ވެސް ލިބިފައެއް ނުވެއެވެ.
މިކަމާއި ގުޅިގެން އިބްރާ ވިދާޅުވީ، ވަޒީފާ އާ ރުފިޔާއިން ދިވެހިން މައިތިރިކޮށްލެވޭނެ ކަމަށް ހީކުރުމަކީ ގޯހެއް ކަމަށާއި، ކުރިން އެތައް ފަހަރަކު އެ ވާހަކަ ވިދާޅުވެފައިވާނެ ކަމަށް ވެސް އޭނާ ވިދާޅުވިއެވެ.
ނަމަވެސް އެ ވާހަކަ އަޑުނޭހުމުގެ ސަބަބުން ނާކާމިޔާބީއާ ކުރިމަތިލާން ޖެހުުނުކަން އިބްރާ ފާހަގަކުރެއްވިއެވެ.
ސަރުކާރަށް އިތުބާރު އިތުރުކުރެވޭނީ ބަސްބުނެގެނެއް ނޫން ކަމަށާއި ކަންކޮށްގެން ކަމަށް ވެސް އިބްރާ ވިދާޅުވިއެވެ.
އިބުރެއަށްވެސް ހެޔޮވިސްނެޔޭ! އެކަމަކު ރަނގަޅަށް އުޅެން ބޭނުން ނުވަނީ..ވަރަށްހަރު އެހާމެ އާރުލާ މީހެއް އިބުރެއަކީ.
އިބުރާއެބުނީ ވަރަށްވެސް ރަގަޅުވާހަކައެށް
ދިވެހިންނަކީ އެއަށްވުރެ ވަތަނީ ބައެއް