މިކަަން ނިމިއްޖެ، ރައީސްއަށް ރިއެކްޓް ކުރެއްވުނީ މާ ލަހުން: ސައީދު
މި ވެރިކަން "ނިމިއްޖެ" ކަމަށާއި، ރައީީސް އިބްރާހީމް މުހައްމަދު ޞާލިޙަށް "ރިއެކްޓް" ކުރެއްވުނީ މާ ލަހުން ކަމަށް ޕީއެންސީގެ ނައިބު ރައީީސް، އަދި މަޖިލީހުގެ މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެއެވެ.
ރޭ އާޓިފިޝަލް ބީޗު ސަރަހައްދުގައި ޕީޕީއެމް-ޕީއެންސީ އިން ބޭއްވި ރިޔާސީ ކެމްޕެއިންގެ ޖަލްސާގައި ވާހަކަ ދައްކަވަމުން ސައީދު ވިދާޅުވީ 2018 ވަނަ އަހަރުގެ ރިޔާސީ އިންތިޚާބުގައި 61 އިންސައްތަ ހޯއްދެވި ވެރިޔަކު 30 އިންސައްތައަށް ވެއްޓުނުއިރު، "ރިއެކްޓް" ކުރެއްވުނީ މާ ލަހުން ކަމަށެވެ.
"ގާާތްގަނޑަކަށް ދޮޅު މަހަށް ވީމާ، ޓާމް(ދައުރު) ނިމެން ދޮޅު މަހަށް ވީމާ. ރިޔާސީ ދައުރު ނިމެން ދޮޅު މަހަށް ވީމަ، ރައްޔިތުން ނުކުމެ މި ބުނަނީ، މަނިކުފާނަށް އަޅުގަނޑުމެންގެ ތާއީދެއް ނެތޭ." ސައީދު ވިދާޅުވިއެވެ.
ރައީސް ޞާލިޙަށް ރިޔާސީ އިންތިޚާބުގެ ފުރަތަމަ ބުރުން، 40 އިންސައްތަ ހޯދިފައިނުވާއިރު، މި ހާލަތުގައި އެމަނިކުފާނަށް އެންމެ ބުއްދިވެރި ގޮތަކަށް ވާނީ ހައްޓަށް ފަސޭހައަކަށް ނަމަވެސް މަޑުން ހުންނެވުން ކަމަށް ސައީދު ވިދާޅުވިއެވެ. ރައީީސް ޔާމީން އަބްދުލްގައްޔޫމްގެ ވެރިކަމުގައި އިކޮނޮމިކް މިނިސްޓަރުކަން ކުރެއްވި ސައީދު އިތުރަށް ވިދާޅުވީ، އިންތިޚާބުގެ ފުރަތަމަ ބުރުން ދަށް ނަތީޖާއެއް ލިބިވަޑައިގަތުމުން ރައީސް ޞާލިޙު ރައްޔިތުން މަތިން ހަނދުމަފުޅު ވެސް ނެތް ކަމަށެވެ.
ެ
