އިސްލާހަށް މަސައްކަތް ކުރައްވާ ބޭފުޅުންގެ އަމާޒަށް ވާސިލުވުމަށް އޮތް މަގަކީ އެމްޑީޕީ: ޔާސިރު
އިސްލާހަށް މަސައްކަތް ކުރައްވާ ބޭފުޅުންގެ އަމާޒަށް ވާސިލުވުމަށް އޮތް މަގަކީ އެމްޑީޕީ ކަމަށް ކުޅުދުއްފުށީ އުތުރު ދާއިރާގެ މެންބަރު ޔާސިރު އަބްދުއްލަތީފު ވިދާޅުވެއްޖެއެވެ.
ޔާސިރު މިހެން ވިދާޅުވީ ރިޔާސީ އިންތިޚާބުގެ ދެވަނަ ބުރުގައި ވޯޓު ލުމަށް ދެން އޮތީ 7 ދުވަސް ކަމަށާއި ބާތިލް ވޯޓު ނުވަތަ އެއްވެސް ކެނޑިޑޭޓަކަށް ވޯޓު ނުލުމަކީ ދާން ބޭނުންވާ މިސްރާބަށް އެޅޭނެ ހުރަހެއް ކަމަށް ވިދާޅުވެ އެކްސްގައި މިއަދު ކުރެއްވި ޕޯސްޓެއްގައެވެ.
އެގޮތުން މިކަމަށް އިޝާރަތް ކުރައްވާ ޔާސިރު ވިދާޅުވީ ރާއްޖޭގެ އިސްލާހަށް މަސައްކަތް ކުރެއްވި އަދި މިއަދުވެސް ކުރައްވަމުން ގެންދަވާ ބޭފުޅުންގެ އަމާޒަށް ވާސިލުވުމަށް މިއަދު އޮތް މަގަކީ އެމް.ޑީ.ޕީ އާއިއެކު ކުރިޔަށް ދިޔުންކަން އިހު ދުއްތަން މާބޮޑަށް ވެސް ބުނެދޭކަމަށެވެ.
ހަމަ އެހެންމެ އަނެއް ގޮތަކީ 2008 ގައި ފެށި މަސައްކަތް 2012 ގައި ހުއްޓި 2018 ގައި މައިނަސް އިން ފެށިހެން 2028 ގައި އަލުން މައިނަސް ފަންސާހުން ފެށުން، ކަމަށާއި އަދި ފަސް އަހަރު ފަހަތަށް ސޮއްސާލަން ދޫކޮށްލުން ކަމަށް ޔާސިރު ވަނީ ވިދާޅުވެފައެވެ.
އެއްވެސް ކެނޑިޑޭޓަކަށް ތާއީދު ނުކޮށް ހުރުމަކީ ކުރިންވެސް އޮތް ފުރުސަތެއް ނޫން ކަމަށް ޔާސިރު ވިދާޅުވެފައި ވެއެވެ.
މީގެ އިތުރުން ރާއްޖެ ދުށް ދިގު ތާރީހަށް ބަލާ ގޮތް ނިންމާއިރު، މި ރާއްޖެއަށް އަދި ވަކިން ހާއްސަކޮށް ހިފެހެއްޓިފައިވާ އުތުރަށް ކުރިއެރުން ހޯދެން އޮތީ ރައީސް އިބްރާހިމް މުހައްމަދު ޞާލިހު ދެވަނަ ދައުރަކަށް އިންތިހާބު ކޮށްގެން ކަމަށް ޔާސިރު ވިދާޅުވެފައިވެއެވެ.
ޔާސިރު މިހެން ވިދާޅުވެފައި ވާއިރު ރައީސް ޞާލިހު ވަނީ ދެވަނަ ދައުރެއް ލިބިވަޑައިގެންފިނަމަ ބޮޑުތިލަދުންމައްޗަށް ކޮށްދެއްވާނެ ކަމަށް ބޮޑެތި ވަޢުދުތަކެއް ވެވަޑައިގެންފައެވެ.
ކަލޯ ތިޔަ ކުރަނީ އިސްލާހު ކަމަށް ވާނަމަ ލިވާތު ކުރުމާއި މީހުން މެރުމާއި ކޮރަޕްޝަނާއި ފަސާދަ މިގައުމުގަ މިހާ މައްޗަށް ދިޔައީ ކީއްވެތޯ؟