ނޭޕާލް އަރާނީ ކޮންކޮޅަކަށް?
ޖިއޯޕޮލިޓިކްސް ކުރިއަރަމުން އަންނައިރު، ބޮޑުވަޒީރު ޕުޝްޕާ ކަމަލް ދަހަލް މިހާރު ކުރައްވަމުން ގެންދަވާ ދަތުރުފުޅަކީ އާދަޔާ ޚިލާފު ދަތުރުފުޅާ އިދިކޮޅަށް ވަރަށް ބޮޑަށް ތަފާތެވެ.
ވެރިކަމާ ހަވާލުވެވަޑައިގެންނެވިތާ މަދު ހަފުތާއެއްހާ ދުވަހުގެ ތެރޭގައި ބޮޑުވަޒީރުން ދެކުނު އަދި ދެން އުތުރަށް ޒިޔާރަތް ކުރެއްވުމުގެ އާދަޔާ ހިލާފު ވައްޓަފާޅި އަށް ވަނީ ބުރޫ އަރާފަ އެވެ. މިފަހަރު ބޮޑުވަޒީރު ދަހަލް ވަނީ ދުނިޔޭގެ އެންމެ ނުފޫޒުގަދަ ދެ ރައީސުންނާ އެކު ޑިޕްލޮމެޓިކް ބައްދަލުވުމެއް އެއްފަހަރާ ބާއްވައިފަ އެވެ. އެމެރިކާގެ ރައީސް ޖޯ ބައިޑަންއާ އެކު ރޭގަނޑުގެ ފަރިއްކޮޅެއް ދެއްވުމަށްފަހު، ހޮނިހިރު ދުވަހު ޗައިނާގެ ރައީސް ޝީ ޖިންޕިންއާ އެކު ބޭއްވި ފަރިއްކޮޅެއްގައި ބައިވެރިވެވަޑައިގެންނެވި އެވެ.
ދުނިޔޭގެ ޖިއޮޕޮލިޓިކަލް ލޭންޑްސްކޭޕް ބަދަލުވަމުން ދަނީ ރަޝިޔާއިން ޔޫކްރެއިންއާ ދެމެދު އުފެދިފައިވާ ހަމަނުޖެހުންތަކާއި ޗައިނާއިން ހިޔާލު ތަފާތުވާ ބޯޑަރު މެޕެއް ނެރުމާއި އޭޝިއާގެ ގައުމުތަކުގެ މެދުގައި ނުތަނަވަސްކަން އުފެދިގެން ދިއުމެވެ.
މި މައްސަލަ ހޫނުވީ އިންޑިއާގެ އަރޫނާޗަލް ޕްރަދޭޝްގެ 90،000 އަކަ ކިލޯމީޓަރުގެ ބިމާއި އަކްސައި ޗައިނާގެ 30،000 އަކަ ކިލޯމީޓަރުގެ ބިމުގެ ސަރަހައްދަކީ އެ ގައުމުގެ ސަރަހައްދުގެ ބައެއް ކަމަށް ބުނެ ޗައިނާއިން އެ މެޕް "ޕޮޕިއުލާ މެޕް" ގެ ގޮތުގައި ސިފަކުރުމާ ގުޅިގެންނެވެ. އަދި ދެކުނު ޗައިނާ ކަނޑުގެ ސަރަހައްދާއި ޓައިވާނަކީ ޗައިނާއާ ގުޅިފައިވާ ސަރަހައްދެއްގެ ގޮތުގައި ވެސް މި މެޕްގައި ދައްކުވައިދެ އެވެ.
މީގެ އިތުރުން ދާދި ފަހުން ޖަކާޓާގައި ބޭއްވި ސަމިޓެއްގައި އެމެރިކާއާއި ޗައިނާއާ ދެމެދު އުފެދިފައިވާ ނުތަނަވަސްކަމުގެ އިތުރުން ދެކުނު ޗައިނާ ކަނޑުގެ ސަރަހައްދީ މައްސަލަތަކަށް ވެސް ވަނީ ހައްލު ހޯދައިދީފަ އެވެ. ޗައިނާގެ އަމަލުތަކަށް ގިނަ ގައުމުތަކުގެ އިސްވެރިން ފާޅުގައި ފާޑު ވިދާޅުވި އެވެ.
މީގެ އިތުރުން އިންޑިއާގައި ބޭއްވި ޖީ-20 ސަމިޓުން ވަނީ ތިމާވެށީގެ ކުރިއެރުމާއި ޖިންސުގެ ހަމަހަމަކަމާއި ޓެރަރިޒަމާ ދެކޮޅަށް މަސައްކަތް ކުރުން ފަދަ ތަފާތު މައުޟޫއުތައް ހިމަނައިގެން މެނިފެސްޓޯއެއް އެކުލަވާލައިފަ އެވެ. މިކަމުގެ ސަބަބުން އިންޑިޔާގެ ލީޑަރޝިޕާއި އިޤްތިޞާދީ ކުރިއެރުމަށް އިތުރު ކުރިއެރުމެއް ލިބުނެވެ.
Ads by STO
