އެއްވެސް ހަމަނުޖެހުމެއްގައި، ބައިވެރިވުން ނެތްކަމުގެ ޔަޤީންކަން އަރުވަން: އިދިކޮޅު
މިއަދު މާލެ އާއި އެހެނިހެން ބައެއް ރަށްރަށުގައި ހިންގަމުން ގެންދާ ހަމަނުޖެހުންތަކާއި މާރާމާރީތަކުގައި ޕީޕީއެމް ޕީއެންސީ މެންބަރުންނާއި ސަޕޯޓަރުންގެ ބައިވެރިވުން އޮތް ކަމަށް ބުނެ ދައްކަމުން ގެންދާ ވާހަކަތައް އިދިކޮޅުން ދޮގުކޮށްފިއެވެ.
ޕްރޮގްރެސިވް ޕާޓީ އޮފް މޯލްޑިވްސް(ޕީޕީއެމް)ގެ ސެކްރެޓަރީ ޖެނެރަލް މުޙައްމަދު ޠަލާލް ވިދާޅުވީ އެފަދަ އެއްވެސް ކަމެއްގައި ޕީޕީއެމް ޕީއެންސީގެ މެންބަރުންނާއި ސަޕޯޓަރުން ބައިވެރި ނުވާކަމުގެ ޔަޤީންކަން އަރުވާ ކަމަށެވެ.
"މީގެ އިތުރުން އެފަދަ އެއްވެސް ހަމަނުޖެހުމެއްގައި ބައިވެރިނުވުމަށް ތަކުރާރުކޮށް މިއަންނަނީ ނަސޭހަތްތެރިވަމުން." އޭނާ އިތުރަށް ވިދާޅުވިއެވެ.
ރިޔާސީ އިންތިޚާބުގެ ދެވަނަ ބުރުގެ ވޯޓުލުން މިއަދު ކުރިއަށްދާއިރު، ވެރިރަށް މާލޭގެ ކުށްކުރާ ގްރޫޕްތަކުން އާދަޔާއި ޚިލާފަށް ނިކުމެ އިތުރުވެފައިވާތީ ފުލުހުން މާލޭގެ ސަލާމަތީ ކަންކަން ވަރުގަދަކޮށް ބަލާ ފާސް ކުރަން ވަނީ ފަށައިފައެވެ.
ފުލުހުން ވަނީ މީގެ އިތުރުކޮޅެއް ކުރިން އޮޑެގައްލާ ރެސްޓޯރަންޓު ސަރަހައްދަށް ގޮސް އެތާތިބި ޒުވާނުން ޗެކްކޮށް އޮޕަރޭޝަނެއް ހިންގައިފައެވެ.
މަގުތަކަށް ނިކުމެފައިވާ ފުލުހުންނަކީ ރަޔަޓް ގިޔަރުގައި ތިބި ފުލުހުންނެވެ. ޅ
