ޒިންމާދާރު އިދިކޮޅު ސިޔާސީ ޕާޓީގެ ގޮތުގައި މަސައްކަތް ކޮށްދިނުމަށް އެމްޑީޕީގެ ކިބައިން އިންތިޚާބީ ރައީސް އެދިވަޑައިގެންފި
ޒިންމާދާރު އިދިކޮޅު ސިޔާސީ ޕާޓީއެއްގެ ގޮތުގައި މަސައްކަތް ކޮށްދިނުމަށް އެމްޑީޕީގެ ކިބައިން އިންތިޚާބީ ރައީސް ޑރ. މުހައްމަދު މުޢިއްޒު އެދިވަޑައިގެންފިއެވެ.
ޑރ. މުޢިއްޒު މިހެން ވިދާޅުވީ ސޯޝަލް ސެންޓަރުގައި އެ މަނިކުފާނަށް މަރުޙަބާ ދެންނެވުމަށް މިރޭ ބޭއްވި ޖަލްސާގައި ދެއްކެވި ވާހަކަދައްކަވަމުންނެވެ.
އެގޮތުން މުޢިއްޒު ވަނީ 17 ނޮވެމްބަރަށްފަހު އިދިކޮޅު ޕާޓީއަށްވާ އެމްޑީޕީ ޒިންމާދާރު އިދިކޮޅު ޕާޓީއެއްގެ ގޮތުގައި މަސައްކަތް ފެށުމަށް ތައްޔާރު ވުމަށް ގޮވާލާފައެވެ.
"ރެސްޕޮންސިޕަލް އޮޕޮޒިޝަނަކުން ސަރުކާރުން ކުރާ ކަންކަމަށް ފާޑު ކިޔާނެ, އަދި އެޔަށްވުރެ ރަނގަޅު ސިޔާސަތައް ކިޔާދޭނެ. އެހެންނަމަވެސް ޤައުމަަށް މުހިންމު ކަންކަމުގައި, ރެސްޕޮންސިބަލް އޮޕޮޒިޝަނަކުން އެއް ގަލަކުން އަރާނެ. އެގޮތަށް އެކަންކޮށްދޭން އެދެން" ޑރ. މުޢިއްޒު ވިދާޅުވިއެވެ.
ހަމަ އެހެންމެ ސަރުކާރަކަށް ޑިމޮކްރަސީގައި ޒިންމާދާރު އިދިކޮޅު ޕާޓީއެއް އޮތުން މުހިންމު ވާނެ ކަމަށް ޑރ. މުޢިއްޒު ވަނީ ފާހަގަކުރައްވާފައެވެ.
ޒިންމާދާރު އިދިކޮޅު ސިޔާސީ ޕާޓީއަކުން ސަރުކާރުން ކުރާ ކަންކަމަށް ފާޑުކިޔާ އެއަށްވުރެ ރަނގަޅު ސިޔާސަތުތައް ރައްޔިތުންނަށް ގެނެސްދޭނެ ކަމަށް މުޢިއްޒު ވަނީ ވިދާޅުވެފައެވެ. އެހެން ނަމަވެސް ޤައުމަށް ބޮޑުވެގެން އަންނަ ކަންކަމުގައި ޒިންމާދާރު އިދިކޮޅު ޕާޓީއަކުން އެއްގަލަކަށް އަރާނެ ކަމަށް މުޢިއްޒު ވަނީ ވިދާޅުވެފައެވެ.
އެހެންކަމުން އެމްޑީޕީގެ ކިބައިން އެގޮތަށް މަސައްކަތް ކޮށްދިނުމަށް އެދިވަޑައިގެން މުޢިއްޒު ވިދާޅުވީ އޭރުން ޤައުމަށް ހަމަޖެހުން ގެނެސްދެވޭނެ ކަމަށެވެ.
