ހިޔާ ޓަވަރެއްގެ 12 ވަނަ ފްލޯއިން ކުއްޖަކު ވެއްޓިއްޖެ

ހުޅުމާލޭގެ ދެވަނަ ފިޔަވަހީގެ ހިޔާ ފްލެޓްތަކުގެ ހަ ވަނަ ޓަވަރުން ކުއްޖަކު ވެއްޓިއްޖެއެވެ.

Ads by Sosun Fihaara

ފުލުހުން ދެންމެ ވިދާޅުވީ އެ ކުއްޖާ ވެއްޓިފައި ވަނީ 12 ވަނަ ފަންގިފިލާއިން ކަމަށާއި، މި ހާދިސާގެ މަޢުލޫމާތު ލިބުނީ މިރޭ 11:58 ހާއިރު ކަމަށެވެ.

އެ ކުއްޖާގެ އުމުރަކީ 15 އަހަރެވެ. ފުލުހުން ވިދާޅުވީ، އެ ކުއްޖާ ހުޅުމާލެ ހޮސްޕިޓަލަށް ގެންގޮސްފައިވާ ކަމަށެވެ.

އެނގިފައިވާ ގޮތުގައި، ވެއްޓުނީ ފިރިހެން ކުއްޖެކެވެ. އެ ކުއްޖާއަށް ލިބުނު އަނިޔާގެ މަޢުލޫމާތެއް ހުޅުމާލެ ހޮސްޕިޓަލުން އަދި ހިއްސާ ކޮށްފައިނުވާ ކަމަށް ފުލުހުން ވިދާޅުވެއެވެ.

ފުލުހުން އަންނަނީ މިކަން ބަލަމުންނެވެ.