ސައިކަލެއް ފޭރިގަނެގެން ދުއްވާފައި ދަނިކޮށް ނުރައްކާތެރި އެކްސިޑެންޓެއް ހިނގައިފި
މީހެއްގެ އަތުން ސައިކަލެއް ފޭރިގަތުމަށް ފަހު އެ ސައިކަލުގައި ދުއްވާފައި ދަނިކޮށް ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން ބުނީ ލިލީ މަގުގައި ދެ ސައިކަލު ޖެހި އެކްސިޑެންޓެއް ހިގާފައިވާ މައްސަލައެއް މިރޭ ރިޕޯޓު ކޮށްފައިވާ ކަމަށެވެ.
މި އެކްސިޑެންޓް ހިނގާފައި ވަނީ މިރޭ 7:02 ހާއިރު ލިލީ މަގުގައެވެ.
އެކްސިޑެންޓްވި އެއް ސައިކަލަކީ މީހެއްގެ އަތުން ފޭރުމަށްފަހު ދުއްވާފައި ދިޔަ ސައިކަލެއް ކަމަށް މިހާތަނަށް ބެލި ބެލުމުން އެނގިފައިވާ ކަމަށް ވެސް ފުލުހުން ހާމަކުރެއެވެ.
ސޯޝަލް މީޑިއާގައި ޚަބަރުފަތުރާ އެމްވީ ކްރައިސިސްގައި ފޮޓޯ ހިއްސާކޮށް ބުނީ އެ އެކްސިޑެންޓް ހިނގާފައި ވަނީ އޯކިޑު މަގުން ސައިކަލެއް ވަގަށް ނަގައިގެން ލިލީ މަގުން ހިނގާފައި ދިޔަ ފަތުރުވެރިއެއްގެ އަތް ދަބަސް ފޭރިގަނެގެން ދަނިކޮށް ކަމަށެވެ.
މިގޮތުން މި އެކްސިޑެންޓު ހިނގާފައި ވަނީ ލިލީ މަގުގެ ދިވެހި އިންޝުއަރެންސް ކައިރީގައި ކަމަށް އެމްވީ ކްރައިސިސް އިން ހާމަކުރެއެވެ.
މީގެ އިތުރުން އެކްސިޑެންޓު ވުމާއެކު ސައިކަލް ދުއްވަން އިން މީހާ ފިލާފައިވާ ކަމަށާއި އަދި ފަހަތުގައި އިން މީހާ ވަނީ އަނިޔާވުމުގެ ސަބަބުން ހަބަރުހުސްވެގެން ވެއްޓިފައި ކަމަށް އެމްވީ ކްރައިސިސް އިން ބުނެފައި ވެއެވެ.
Ads by STO
