އިންތިޚާބުގެ ކަންކަން ބެއްލެވުމަށް އީޔޫއިން ދެއްވި ސަމާލުކަމަށް ޑރ. މުޢިއްޒު ޝުކުރު އަދާކުރައްވައިފި
އިންތިޚާބުގެ ކަންކަން ބެއްލެވުމަށް އީޔޫއިން ދެއްވި ސަމާލުކަމަށް އިންތިޚާބީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ޝުކުރު އަދާކުރައްވައިފިއެވެ.
ޑރ. މުޢިއްޒު އަދި އިންތިޚާބީ ނައިބު ރައީސް، ޔޫރަޕިއަން ޔޫނިއަން އޮބްޒާވަރ މިޝަންއާއި މިއަދު ބައްދަލުކުރައްވާފައިވާއިރު އިންތިޚާބުގެ ކަންކަން ބެއްލުވުމަށް އީޔޫ އިން ދެއްވި ސަމާލުކަމަށް ޝުކުރުއަދާކުރައްވާފައިވާއިރު، އޮބްޒާވަރ މިޝަންގެ މަސައްކަތްތަކުގެ ސަބަބުން، އިންތިޚާބުތަކާ ގުޅޭ ކަންކަން އިތުރަށް ހަރުދަނާވެގެންދިޔުމަށް އުއްމީދުކުރައްވާކަމަށް ޑރ. މުޢިއްޒު ވިދާޅުވިއެވެ.
އަދި އެ މަނިކުފާނުގެ ސަރުކާރުގައި، މިނިވަން މުއައްސަސާތަކުގެ ހިންގުން އިތުރަށް ހަރުދަނާކޮށް، މުސްތަޤިއްލުކަން ކަށަވަރުކުރުމަށް މަސައްކަތްކުރަވާނެކަމަށްވެސް ޑރ. މުޢިއްޒު ވިދާޅުވިއެވެ.
އިންތިޚާބުގެ ކަންކަމާއި އިންތިޤާލީ މަރުޙަލާގެ ކަންކަން އަމާންކަމާއި އޮމާންކަމާ އެކު ކުއިޔަށްދާކަން ފާހަގަކުރައްވައި، ޔޫރަޕިއަން ޔޫނިއަން އޮބްޒާވަރ މިޝަންއިން، އެކަންކަމަށް މަރުޙަބާ ދެންނެވިއެވެ.
މިއަދުގެ މި ބައްދަލުވުމުގައި ރިޔާސީ އިންތީޚާބާ ގުޅޭ ގޮތުން ތައްޔާރުކުރައްވާފައިވާ ރިޕޯޓު، ޔޫރަޕިއަން ޔޫނިއަން އޮބްޒާވަރ މިޝަންއިން ވަނީ ޑރ. މުޢިއްޒުއަށް އަރުވާފައެވެ.
Ads by STO
