ގުޅުން ބަދަހިވަމުން އަންނައިރު ސައުދީ އަރަމްކޯއިން ސްޓްރެޓީޖިކް ޕެޓްރޯލިއަމް ރިޒާވް ތަރައްގީ ކުރަން އިންޑިއާ އިން އެދެފި
ދެކުނު އޭޝިއާގެ އެ ގައުމުން ތެޔޮ ސަޕްލައިކުރާ މައި ކުންފުންޏާ ގުޅުން ބަދަހިކުރަން ބޭނުންވާތީ، އިންޑިއާއިން ބޭނުންވަނީ ސައުދީ އަރަބިއްޔާގެ އަރަމްކޯއިން ރާވާފައިވާ 6.5 މިލިއަން މެޓްރިކް ޓަނުގެ ސްޓްރެޓީޖިކް ޕެޓްރޯލިއަމް ރިޒާވް (އެސްޕީއާރު) ޕްރޮގްރާމުގައި ބައިވެރިވުމަށެވެ.
އެސްޕީއާރު ޕްރޮގްރާމްގައި އަރަމްކޯ ބައިވެރިވާ ވާހަކަ ދެ ގައުމުން ދައްކަމުން އަންނަތާ އެތައް އަހަރެއް ވެއްޖެ އެވެ. ނަމަވެސް މި މަޝްވަރާތަކަށް ބޮޑު ތަރުހީބެއް ލިބުނީ މިދިޔަ މަހު ވަލީއަހުދު މުހައްމަދު ބިން ސަލްމާން އިންޑިއާގެ ބޮޑުވަޒީރު ނަރެންދުރަ މޯދީއާ ބައްދަލުކުރެއްވުމާ ގުޅިގެންނެވެ.
"ދެވަނަ ފިޔަވަހީގެ ސްޓްރެޓެޖިކް ޕެޓްރޯލިއަމް ރިޒާވް ޕްރޮގްރާމްގެ ދަށުން 6.5 އެމްއެމްޓީގެ އާ ކޮމާޝަލް ކޮމް ސްޓްރެޓެޖިކް ޕެޓްރޯލިއަމް ރިޒާވް އިމާރާތް ކުރުމުގެ ހުއްދަ ވަނީ ދީފައި،" އިންޑިއާ ސަރުކާރުން އެތެރޭގެ ލިޔުމެއްގައި ބުނެފައި ވެ އެވެ.
އަރަމްކޯއިން އެއްވެސް އެއްޗެއް ބުނަން ދެކޮޅު ހަދާފައިވާއިރު ސައޫދީ ސަރުކާރުގެ ބަހެއް ހޯދުމަށް އީމެއިލްކުރުމުން ވެސް ޖަވާބެއް ދީފައެއް ނުވެއެވެ.
އިންޑިއާގެ ބޮޑުވަޒީރުންގެ އޮފީހާއި ތެޔޮ މިނިސްޓްރީ އަދި ފިނޭންސް މިނިސްޓްރީން ވެސް ޖަވާބެއް ދީފައެއް ނުވެ އެވެ.
ޖަޕާނާއި ދެކުނު ކޮރެއާ ފަދަ ގައުމުތަކުން ގެންގުޅޭ މޮޑެލްއެއް ދައްކުވައިދޭ އާ ސްޓޯރޭޖް ފެސިލިޓީތައް އެޅުމުގައި އަމިއްލަ ފަރާތްތަކުގެ ބައިވެރިވުން އިތުރުކުރުމުގެ ގޮތުން އިންޑިއާއިން 2021 ވަނަ އަހަރު އެސްޕީއާރު ޕޮލިސީ އޯވަހޯލް ކުރި އެވެ.
ދުނިޔޭގެ ތިންވަނައަށް އެންމެ ގިނައިން ތެޔޮ އެތެރެކުރާ އަދި ބޭނުންކުރާ އިންޑިއާއިން ބޭނުންވާ ތެލުގެ 80 އިންސައްތަ އިމްޕޯޓްކުރާއިރު، ސަޕްލައި އަށް ބުރޫއެރުމުން ރައްކާތެރިވުމަށް ޓަކައި 5 މިލިއަނަށްވުރެ ގިނަ ޓަނުގެ ތެޔޮ ރައްކާކުރުމަށް ދެކުނު އިންޑިއާގެ ތިން ތަނެއްގައި ސްޓްރެޓެޖިކް ސްޓޯރޭޖެއް ވަނީ ހަދާފައެވެ.
