ފަނޑިޔާރު މަހާޒް ލިޔުއްވި ގުރުއާން ތަފްސީރުގެ ފުރަތަމަ ފޮތް ނެރެފި
ސުޕްރީމް ކޯޓުގެ ފަނޑިޔާރު މަހާޒު އަލީ ޒާހިރު ގުރުއާން ތަފްސީރު ކުރައްވައި ލިޔުއްވި ފޮތް ނެރެފިއެވެ.
ރާއްޖެ އިސްލާވީ ދުވަހާ ދިމާކޮށް ފަނޑިޔާރު މަހާޒުގެ "ކީރިތި ޤުރުއާނުގެ ޚުލާޞާ ތަފްސީރު"ގެ ފުރަތަމަ ވޮލިއުމް ނެރެފައިވާއިރު، މި ފޮތް މި ވަގުތު މާލެ އާއި ހުޅުމާލޭގެ ނޮވެލްޓީ ބުކްޝޮޕުން ލިބެން ހުންނާނެއެވެ. މި ފޮތުގެ އަގަކީ 390 ރުފިޔާއެވެ.
މި ފޮތާ ގުޅޭގޮތުން ފަނޑިޔާރު މަހާޒު ވިދާޅުވެފައިވަނީ މި ތަފްސީރު ނިމޭ އިރު އޮންނާނީ 06 ވޮލިއުމަށް ކަމަށާއި، ކޮންމެ ފަސް ފޮތަކީ ވޮލިއުމެއް ކަމަށެވެ. އަދި ފުރަތަމަ ވޮލިއުމަކީ 444 ސަފުހާގެ ވޮލިއުމެއް ކަމަށް ވިދާޅުވިއެވެ.
އަދި މި ތަފްސީރުގައި ކޮންމެ އާޔަތެއްގެ ތަފްސީރު ލިޔެފައި އެ ވަނީ ފަރުވާތެރިކަމާއެކު އެ އާޔަތުގެ ތަފްސީރު ކުރުކޮށް ދިވެހިން ބުނެދެވޭނެ ގޮތް ވިސްނައިގެން އެކަމަށް ސަމާލުކަން ދީގެން ކަމަށާއި ދީނީ މުސްކުޅި ބަހުރުވަ ދޫކޮށް، ސާފުކޮށް ތިލަ ޢިބާރާތް ބޭނުން ކުރުމަށް ބާރު އެޅާފައިވާނެ ކަމަށް ބުނެފައިވެއެވެ.
“ލިޔުމުގައި ދެތިން ތަންކޮޅެއްގައި މެނުވީ މުޅިން ވެސް ބޭނުން ކޮށްފައި ހުންނާނީ ތާނަ އަކުރެއެވެ. ޢަރަބި ލަޒުފުތައް ލިޔެފައި ހުންނާނީ ތިކިޖެހި ތާނައިންނެވެ. މިއީ ޓެކްނޮލޮޖީގެ ވަސީލަތްތަކުގައި ތަފްސީރު ބޭނުން ކުރުމުގެ ފަސޭހައަކަށެވެ. ދިވެހި ބަހަށް އިސްކަން ދިނުމުގެ ގޮތުން ވެސް މެއެވެ” މަހާޒް ވިދާޅުވިއެވެ.
