ފަލަސްޠީނުގައި ކޮންމެ 15 މިނެޓަކުން ކުޑަ ކުއްޖަކު ޝަހީދު ކޮށްލާ
އިޒްރޭލްގެ އަނިޔާވެރި ޔަހޫދީން، ފަލަސްޠީނުގެ ރައްޔިތުންނާއި ދެކޮޅަށް، މި ފަހުން ފެށި އަނިޔާވެރި ކަމުގައި، ޝަހީދުކޮށްލި ތުއްތު ކުދިންގެ އަދަދު 1000އިން މައްޗަށް އަރައިފިއެވެ.
ޔަހޫދީން ފަލަސްޠީނުގެ ޣާޒާއަށް ބޮން އަޅަން ފެށީ މި މަހުގެ ހަތް ވަނަ ދުވަހުއެވެ. ވައިގެ މަގުން ދެމުން އަންނަ ހަމަލާތަކުގައި 1،000 ކުޑަކުދިން ޝަހީދުކޮށްލިއިރު، ދިރިތިބި ކުދިން ވެސް ދަނީ އެތައް އަނިޔާއެއް ތަޙައްމަލު ކުރަމުންނެވެ. މައިންބަފައިން ގެއްލުމުގެ ވޭނާއި، ނަފްސާނީ ބިރުވެރިކަމާއި، މި ނޫން ވެސް އެތައް ކަމެކެވެ.
ފަލަސްޠީނުގެ ހަނގުރާމަވެރި ހަމާސް ޖަމާޢަތުން، ޔަހޫދީންގެ އަނިޔާވެރިކަމަށް ބަދަލު ހިފުމަށް އިޒްރޭލަށް ދިން "ސަޕްރައިޒް އެޓޭކް"އަށް ފަހުގައި، އިޒްރޭލުން ޣާޒާއަށް ބޮން އަޅަން ފެށިއެވެ. އެމީހުންގެ މައިގަނޑު އަމާޒަކީ އާއްމުން އުޅޭ ގެތަކާއި، މިސްކިތްތަކާއި، ރައްކާތެރިކަން ހޯދަން ފަލަސްޠީނުގެ ރައްޔިތުން ބަދަލުވާނެ ތަންތަނެވެ.
މި މަހުގެ ހަތްވަނަ ދުވަހުން ފެށިގެން ޔަހޫދީން ދެމުންދާ އުދުވާނީ ހަމަލާއަށް ބަލާއިރު، ކޮންމެ 15 މިނެޓެއްގެ ތެރޭގައި އެއްވެސް ކުށެއް ނެތް ކުޑަ ކުއްޖަކު އެވަނީ ޝަހީދުކޮށްލެވިފައެވެ.
ބޮން އަޅައި ވައްޓައިލައިފައިވާ އިމާރާތްތަކުގެ ދަށުވެފައިވާ މީހުންގެ އަދަދު މަތިވަމުން އަންނައިރު، ޔަހޫދީން ޝަހީދުކޮށްލި ކުޑަކުދިންގެ އަދަދު އިތުރުވާނެ ކަމަށް ފަލަސްޠީނުގެ އިންޓީރިއަރ މިނިސްޓްރީން ބުނެއެވެ.
މި މަހުގެ 11 ވަނަ ދުވަހުން ފެށިގެން ޣާޒާއިން ކަރަންޓު ކަނޑައިލައި ކާބޯތަކެތި ލިބޭނެ މަގުތައް ބަންދު ކުރިއިރު، ޔަހޫދީންގެ އިންޒާރާއެކު ޣާޒާގެ އުތުރުގައި އުޅޭ އެތައްހާސް ބަޔަކު ވަނީ އެ ސިޓީގެ ދެކުނަށް ހިޖުރަ ކުރަން ވެސް މަޖުބޫރުވެފައެވެ.
ފަލަސްތީނަށްޓަކައި މުސްލިމް ޤައުމުތަކަށް މިހާރުން މިހާރަށް ކުރެވިދާނެ ކަންކަން
1/، މުސްލިމް ޤައުމުތަކުގެ އެއާރޕޯޓް ތަކުގެ ޑިއުޓީފުރީން ބަނގުރާ ވިއްކުން ވަގުތުން ހުއްޓާލުން،
2/ ފަސްނަމާދުގައި ޤުނޫތު ނާޒިލާ ކިޔުން.
3/ އިސްރާއީލަށް ސަޕޯޓްކުރާ ޤައުމުތަކުގެ ސަފީރުން އެޤައުމުން ވަގުތުން ފޮނުވާލުން .