ހަހާހަށްވުރެ ގިނަ ޝަހީދުންގެ ވަނަވަރު އާއްމުކޮށްފި
ޔަހޫދީންގެ ހަމަލާތަކުގައި ޝަހީދުވި ފަލަސްޠީނުގެ ރައްޔިތުންގެ ލިސްޓެއް ފަލަސްޠީނުގެ ހެލްތު މިނިސްޓްރީން އާއްމުކޮށްފިއެވެ.
މި ލިސްޓު އާއްމު ކުރީ ޔަހޫދީންނަށް ވާގިވެރިވާ އެމެރިކާއިން، ފަލަސްޠީނުގެ ޝަހީދުންގެ އަދަދުގެ ސައްހަ ކަމާއިމެދު ސުވާލު އުފެއްދުމުންނެވެ. ފަލަސްތީނުގެ ހެލްތު މިނިސްޓްރީ ކޮންޓްރޯލް ކުރަނީ ހަމާސްއިން ކަމަށާއި، ހަމާސްއިން ބުނާ އަދަދުތައް ސައްހަ ވެދާނެކަމާއިމެދު އެމެރިކާގެ ރައީސް ޖޯ ބައިޑެން ވަނީ ސުވާލު އުފައްދާފައެވެ.
ފަލަސްޠީނުގެ ހެލްތު މިނިސްޓްރީން އާންމު ކުރި ލިސްޓުގައި 6,747 ޝަހީދުންގެ ނަން ހިމެނެއެވެ. އަދި ކާކުކަން ދެނެގަނެވިފައި ނުވާ 529 މީހުން ތިބި ކަމަށް އެ މިނިސްޓްރީން ބުނެއެވެ.
ޝަހީދުންގެ ތެރޭގައި، 2،655 ކުޑަކުދިން ހިމެނެއެވެ. ޔަހޫދީންނާއި ފަލަަސްޠީނުގެ މުޖާހިދުންނާއި ދެމެދު ހިނގަމުން އަންނަ ހަނގުރާމައިގައި، މިހައިތަނަށް މަރުވީ 8,400 މީހުންނެވެ. އޭގެތެރޭގައި ހިމެނެނީ 1400 ޔަހޫދީންނެވެ.
މިވަގުތަކީ ހުރިހާ މުސްލިމުން އެކަތިގަޑަކަށްވެ ހަށިފޮޅާލާ ﷲ ގެ ވާޤިފުޅާއިއެކު އިސްތިއުމާރީ ބާރުތަކުގެ މައްޗަށް ގަދަވެގަނެ ﷲ ގެ ނަސްރާއި ކާމިޔާބް ލިބިގަންނަންވީ ވަގުތު !