ފިލިޕީންސާއެކު އެމެރިކާއަށް ދިމާވެފައިވާ މައްސަލަތަކުގެ ތެރެއަށް ވަނުމުގެ އެއްވެސް ހައްގެއް ނޯންނާނެ: ޗައިނާ
ދެކުނު ޗައިނާ ކަނޑުގެ ކަނޑުގެ ސަރަހައްދުގައި ހިނގަމުންދާ ހަމަނުޖެހުންތަކާ ގުޅިގެން ނުތަނަވަސްކަން އުފެދިފައިވާ ދަނޑިވަޅެއްގައި ޗައިނާ އާއި ފިލިޕީންސްއާ ދެމެދު އުފެދިފައިވާ މައްސަލަތަކުގެ ތެރެއަށް ވަނުމުގެ ހައްގު އެމެރިކާއަށް ނޯންނާނެ ކަމަށް ޗައިނާގެ ޚާރިޖީ ވުޒާރާއިން ބުނެފިއެވެ.
"ދެކުނު ޗައިނާ ކަނޑުގެ މައްސަލާގައި އެމެރިކާ ބައިވެރިއެއް ނޫން، ޗައިނާ އާއި ފިލިޕީންސްއާ ދެމެދު އުފެދިފައިވާ މައްސަލައެއްގެ ތެރެއަށް ވަނުމުގެ އެއްވެސް ހައްގެއް އެމެރިކާއަށް ނޯންނާނެ،" ފިލިޕީންސްގެ ދިފާއުގައި އެމެރިކާ އިން ވާހަކަ ދައްކާނެ ކަމަށް ބުނުމާ ގުޅޭ ގޮތުން ސުވާލު ކުރުމުން އެ މިނިސްޓްރީގެ ތަރުޖަމާނު މާއޯ ނިންގް ވިދާޅުވި އެވެ.
ދެކުނު ޗައިނާ ކަނޑުގައި ޗައިނާއާއި ފިލިޕީންސްއާ ދެމެދު ބޮޑެތި ކުރިމަތިލުންތަކެއް ހިނގާފައިވާއިރު، އެންމެ ފާހަގަކޮށްލެވެނީ ސްޕްރެޓްލީ އައިލެންޑްސްގެ ބައެއް ކަމަށްވާ ސެކަންޑް ތޯމަސް ޝޯލްގެ ވަށައިގެންވާ ކަނޑުގެ ސަރަހައްދުގައެވެ.
މިދިޔަ އާދީއްތަ ދުވަހު ޗައިނާގެ އުޅަނދަކާއި ފިލިޕީންސްގެ ބޯޓެއް ޖެހި ހިނގި އެކްސިޑެންޓެއްގައި މެނީލާ އިން ވަނީ އެ ބޯޓުގެ ނުރައްކާތެރި ބްލޮކިން ހަރަކާތްތައް "އެންމެ ހަރުކަށި އިބާރާތުން" ކުށްވެރިކޮށްފަ އެވެ.
"ފިލިޕީންސްގެ ދިފާއުގައި އެމެރިކާ އިން ވެފައިވާ ވައުދަކީ ދެކުނު ޗައިނާ ކަނޑުގައި ޗައިނާގެ އިސްތިގުލާލާއި ކަނޑުގެ މަސްލަހަތަށް ގެއްލުމެއް ދީގެން ވާނެ ކަމެއް ނޫން ކަމަށާއި ފިލިޕީންސްގެ ގާނޫނާ ހިލާފަށް ދައްކާ ވާހަކަތަކަށް ވެސް ހިތްވަރު ދީގެން ނުވާނެ،" މާއޯ ވިދާޅުވި އެވެ.
ފިލިޕީންސްގެ ޚާރިޖީ ވުޒާރާގެ ތަރުޖަމާނުގެ ބަހެއް އަދި ވަނީ ލިބޭ ގޮތް ނުވެފައެވެ.
ދެކުނު ޗައިނާ ކަނޑުގައި ޗައިނާއިން "ނުރައްކާތެރި އަދި ގާނޫނާ ހިލާފަށް" އަމަލު ކުރަމުންދާ ކަމަށް ތުހުމަތު ކުރެއްވުމަށްފަހު އެމެރިކާގެ ރައީސް ޖޯ ބައިޑަން ބުދަ ދުވަހު ވައިޓް ހައުސްގައި ވިދާޅުވީ ފިލިޕީންސްގެ ދިފާއުގައި އެމެރިކާ އިން ދޭ އަހައްމިއްޔަތު އަދިވެސް އޮތީ ދަގަނޑު އަޅައިގެން ކަމަށެވެ.
"ފިލިޕީންސްގެ މަތިންދާބޯޓާއި އުޅަނދުފަހަރަށް ނުވަތަ ސިފައިންނަށް ދިން ކޮންމެ ހަމަލާއަކަށް ގޮވާލާނެ ... ފިލިޕީންސާއެކު އަޅުގަނޑުމެންގެ މިއުޗުއަލް ޑިފެންސް ޓްރީޓީ،" އޮސްޓްރޭލިއާގެ ބޮޑުވަޒީރާ އެކު ބޭއްވި ޖޮއިންޓް ބައްދަލުވުމުގައި ބައިޑަން ވިދާޅުވި އެވެ.
