ދެކުނު ޗައިނާ ކަނޑުގައި ހިނގާ ކަންކަމުގެ ތެރެއަށް އެމެރިކާއިން ވަންނަނީ
ދެކުނު ޗައިނާ ކަނޑުގައި ޗައިނާ އާއި ފިލިޕީންސްއާ ދެމެދު ހިނގަމުންދާ ހަމަނުޖެހުންތައް އިތުރުވަމުންދާއިރު، ދެކުނު ޗައިނާ ކަނޑުގެ އާބާދީ ނެތް ރަށެއްގެ ކައިރީގައި އޭޝިއާގެ ދެ ގައުމުގެ އުޅަނދުތައް ޖެހި ހިނގި އެކްސިޑެންޓުގައި ފިލިޕީންސްގެ ފަރާތުން ނިއުކްލިއާ ހަތިޔާރު ލިބިފައިވާ ޗައިނާއާ ދެކޮޅަށް ހަނގުރާމަ ކުރަން އެމެރިކާގެ އަސްކަރިއްޔާ ތައްޔާރަށް އޮތް ކަމަށް އެމެރިކާގެ ރައީސް ޖޯ ބައިޑަން ވިދާޅުވި ކަމަށް ނިއުޔޯކް ޕޯސްޓުން ރިޕޯޓްކުރެ އެވެ.
"ފިލިޕީންސާއެކު އެމެރިކާގެ ދިފާއީ އެއްބަސްވުމަކީ ދަގަނޑު ކުލައިގެ އެއްބަސްވުމެއް. ފިލިޕީންސްގެ މަތިންދާ ބޯޓާއި އުޅަނދުފަހަރާއި ސިފައިންނަށް ދިން ކޮންމެ ހަމަލާއަކުން ފިލިޕީންސާއެކު ދެގައުމުގެ ދިފާއީ މުއާހަދާ ގެއްލޭނެ،" ބައިޑަން ވިދާޅުވި އެވެ.
1951 ވަނަ އަހަރުގެ ދިފާއީ އެއްބަސްވުމުގައިވާ ގޮތުން އެމެރިކާ އާއި ފިލިޕީންސް ގުޅިގެން "ބޭރުގެ ހަތިޔާރުއެޅި ހަމަލާތަކުން ދިފާއުވާނެ" އެވެ.
ނިއު ޔޯކް ޕޯސްޓުން ބުނި ގޮތުގައި މެނީލާގެ އަސްކަރީ ދެ އުޅަނދަކާއި ޗައިނާގެ އުޅަނދެއް ޖެހި ހިނގި އެކްސިޑެންޓެއްގައި، އެ އުޅަނދަކީ ވިޔަފާރީގެ މުހިންމު ޝިޕިން ރޫޓްތަކާ އެކު ސްޓްރެޓެޖިކް ގޮތުން އޮންނަ އަދި އުދަ އެރުމުގެ ވަގުތުގައި އަޑިއަށް ގޮސްފައިވާ ދެ ވަނަ ތޯމަސް ޝޯލް އަށް ދިއުމަށް ހުރަސް އެޅުމަށް މަސައްކަތް ކުރި އުޅަނދެކެވެ.
ދެވަނަ ތޯމަސް ޝޯލް އަކީ ޗައިނާއަށް ވުރެ ފިލިޕީންސްއާ މާ ކައިރީގައި އޮންނަ ރަށެއް ކަމަށާއި މިއީ ޗައިނާ އާއި ވިއެޓްނާމް، މެލޭޝިއާ، ބްރޫނާއީ އަދި ޓައިވާން ފަދަ ކައިރި ގައުމުތަކުގެ ސަރުކާރުތަކުން ދެބަސްވާ ދެކުނު ޗައިނާ ކަނޑުގެ އެތައް ރަށެއްގެ ތެރޭގައި ހިމެނޭ ރަށެކެވެ.
ދެކުނު ޗައިނާ ކަނޑުގައި ޗައިނާ އާއި ފިލިޕީންސްގެ އުޅަނދުފަހަރާ ދެމެދު ހަފުތާ ބަންދުގައި ހިނގި އެކްސިޑެންޓްތަކާ ބެހޭ ގޮތުން ފިލިޕީންސް އިން ޗައިނާ ގެ ސަފީރު ހޯމަ ދުވަހު ހާޒިރުކުރި ކަމަށް އެ ގައުމުގެ ނޫސްތަކުން ބުނެ އެވެ.
