ބައިނަލްއަޤްވާމީ މުޖްތަމަޢުއިން މާ ލަސް ނުވަނީސް އިޒްރޭލު ހުއްޓުވަން ގޮވައިލައިފި

ފަލަސްޠީނުގެ ޣައްޒާގައި ހުންނަ ޖަބަލިއާ ރެފުޖީ ކޭމްޕަށް އިޒްރޭލުން ބޮން އަޅައި އެތައަ ބަޔަކު ޝަހީދުކޮށްލައިފިއެވެ.

Ads by Sosun Fihaara

Ads by WAMCO

މިއަދު ދިން މި ހަމަލާގައި ޒަޚަމްކޮށްލި 50 މީހަކު ވަނީ ޣައްޒާގައި ހުންނަ "އިންޑޮނޭޝިއަން ހޮސްޕިޓަލް"އަށް ގެންގޮސްފައެވެ. ހެލްތު މިނިސްޓްރީން ބުނީ، މި ހަމަލާގައި 100 މީހުން ޝަހީދުކޮށްލި ކަމަށެވެ.

ފަލަސްޠީނުގެ އިންޓީރިއަރ މިނިސްޓްރީން ބުނީ، މިއަދުގެ ހަމަލާގައި ޒަޚަމްވި މީހުންނާއި ޝަހީދުވި މީހުންގެ ޖުމްލަ އަދަދު 400އަށް އަރާ ކަމަށެވެ. އެ މިނިސްޓްރީގެ ތަރުޖަމާނަކު ވިދާޅުވީ ހަމަލާ އަމާޒުވީ މީހުން ދިރިއުޅޭ ބްލޮކަކަށް ކަމަށާއި، ބްލޮކް އެއްކޮށް ސުންނާފަތި ވެގެން ގޮސްފައިވާ ކަމަށެވެ.

"މިއީ އެތައް ސަތޭކަ ބަޔަކު ދިރިއުޅެމުން އައި ތަނެއް. އިސްތިޢުމާރީ ބާރުން މިތަން މި ހަލާކު ކޮށްލީ، އެމެރިކާ އިން އުފައްދައިފައިވާ ހަ ބޮމުން، މިއީ މި ފަހުން އިޒްރޭލުން ޣައްޒާގައި ހިންގި އެންމެ ބޮޑު އެއް ޤަތުލުއާއްމު." ފަލަސްޠީނުގެ އިންޓީރިއަރ މިނިސްޓްރީގެ ތަރުޖަމާނަކު ވިދާޅުވިއެވެ.

"ބައިނަލްއަޤްވާމީ މުޖްތަމަޢުއިން، މާ ލަސް ނުވަނީސް އިޒްރޭލު ހުއްޓުވަން ޖެހޭ." އޭނާ އިތުރަށް ވިދާޅުވިއެވެ.

އެ ސަރަހައްދުން މަޢުލޫމާތު ދިން އަލްޖަޒީރާގެ ނޫޫސްވެރިޔަކު ބުނީ، ލިބިފައިވާ ގެއްލުންތަކަށް ބަލާއިރު، އިމާރާތްތަކުގެ ދަށުވެފައި ތިބި މީހުން ސަލާމަތް ކުރަން އަދި ހަފްތާއެއްހައި ދުވަސް ހޭދަވާނެ ކަމަށް ބެލެވޭ ކަމަށެވެ.

"މިއީ ބޮޑު ޖަރީމާއެއް. ހަލާކު ކޮށްލި ގެތަކުގެ އަދަދެއް ވެސް ނޭނގޭ. މުޅި ސަރަހައްދުން ފެންނަނީ މަރުވެފައިވާ މީހުންގެ ހަށިގަނޑުގެ ބައިތައް، އެކި ދިމަދިމާލުން." އޭނާ ބުންޏެވެ.

ޔަހޫދީން ފަލަސްޠީނަށް ހަމަލާ ދޭން ފެށީ، މި މަހުގެ ހަތްވަނަ ދުވަހުއެވެ. މި ހަމަލާތަކުގައި މިހައިތަނަށް، 8،500 ‏މީހުން ވަނީ ޝަހީދުކޮށްލައިފައެވެ.

ަ

ި