ޔަމަނުން އިޒްރޭލަށް ހަމަލާ ދޭން ފަށައިފި
ޔަހޫދީން މެދުކެނޑުމެއް ނެތި، ޣައްޒާއަށް ހަމަލާ ދީ، މައުސޫމް އެތައް ބަޔަކު ޝަހީދު ކުރަމުން އަންނައިރު، ޔަމަނުން އިޒްރޭލަށް ހަމަލާ ދޭން ފަށައިފިއެވެ.
މިކަން ހާމަކޮށް، ޔަމަނުގެ ހޫތީ ހަނގުރާމަވެރިން ބުނީ، މިހައިތަނަށް އިޒްރޭލާއި ދެކޮޅަށް ތިން އޮޕަރޭޝަނެއްގެ ތެރެއިން ބެލިސްޓިކް މިސައިލާއި، ޑްރޯން ހަމަލާތަކެއް ދީފައިވާނެ ކަމަށާއި، ކުރިއަށް އޮތްތަނުގައި މިފަދަ ހަމަލާތައް ވަރުގަދަ ކުރާނެ ކަމަށެވެ. ޔަހޫދީންގެ އަނިޔާވެރިކަން ނުހުއްޓޭހައި ހިނދެއްގައި، އިޒްރޭލަށް އަދި ވެސް ހަމަލާ ދޭނެ ކަމަށާއި، އެކަމުގައި ދެމިތިބޭނެ ކަމަށް ވެސް ހޫތީން ބުނެއެވެ.
ފަލަސްޠީނުގެ މިނިވަންކަމަށް މަސައްކަތް ކުރާ ހަމާސް ޖަމާޢަތުން، މިރޭވެސް ވަނީ، ޢަރަބި ޤައުމުތަކުން އިޒްރޭލާއި ދެކޮޅަށް ހަނގުރާމަ ކުރަން ނުކުތުމަށް ގޮވައިލައިފައެވެ. ފަލަސްޠީނުގެ މިނިވަންކަމަށާއި، ޤުދުސްގައިވާ، މުސްލިމުންގެ ފުރަތަމަ ޤިބްލަ ހިމާޔަތް ކުރުމަށް ޢަރަބިން މަސައްކަތް ކުރާކަމާއިމެދު ގިނަ ބަޔަކު ދަނީ ސުވާލު އުފައްދަމުންނެވެ.
މި މަހުގެ ހަތްވަނަ ދުވަހު ޔަހޫދީން ވައިގެ މަގުން ޣައްޒާއަށް ބޮން އަޅަން ފެށިއިރު، ޓޭންކުތަކުގައި އެއްގަމުގެ އެކި ހިސާބަށް ވެސް ދަނީ އަރަމުންނެވެ.
އަރަބިވެރިން އެތިބީ ވެރިކަމާއި ފައިސާގެ ދަހިވެތިކަމުގެ ސަބަބުން ފަހަތުފަޔައް ބަރުވެފައި