އެމެރިކާގެ ހައުސް ޕެނަލުން ޗައިނާގެ ޑްރޯން ތައް ފެޑެރަލްކޮށް ގަތުން މަނާކުރަން އެދިއްޖެ
ޗައިނާގެ ޑްރޯން ގަތުން އެމެރިކާ ސަރުކާރުން މަނާކުރާ ބިލެއް ޗައިނާއާ ބެހޭ ގޮތުން އެމެރިކާގެ ގާނޫނު ހަދާ މަޖިލީހުގެ ކޮމިޓީގެ އިސް ބޭފުޅުން ހުށަހަޅުއްވަމުން ގެންދަވަނީ.---ފޮޓޯ: ހުސެއިން ވަހީދު/މިހާރު
އެ ކޮމެޓީގެ ރިޕަބްލިކަން ޕާޓީގެ މުގައްރިރު މައިކް ގަލަގަރް އާއި ރޭންކިން ޑިމޮކްރެޓިކް ޕާޓީގެ ރާޖާ ކްރިޝްނާމޫރްތީ ބުދަ ދުވަހު "އެމެރިކަން ސެކިއުރިޓީ ޑްރޯން އެކްޓް" ތައާރަފް ކުރައްވަމުން ގެންދަވާ ކަމަށް އެ މެމްބަރުން ރޮއިޓާސް އަށް ދެއްވި ބަޔާނެއްގައި ބުނެފައިވެ އެވެ.
"މި ބިލުގެ ސަބަބުން ފެޑެރަލް ސަރުކާރުން ޗައިނާ ފަދަ ގައުމުތަކުން މި ސާމާނު ގަތުމަށް އެމެރިކާގެ ޓެކްސް ދައްކާ ޑޮލަރު ބޭނުންކުރުން މަނާވާނެ،" ގަލަގަރް ވިދާޅުވި އެވެ. "އެމެރިކާގެ މަސްލަހަތާއި ގައުމީ ސަލާމަތާ ބެހޭ ސަޕްލައި ޗެއިން ހިމާޔަތް ކުރުމަށް ކޮންގްރެސްއިން މި ބައިޕާޓިޝަން ބިލް ފާސްކުރުމަކީ ކޮންމެހެން ކުރަން ޖެހޭ ކަމެއް."
މި ބިލުގެ ދަށުން ލޯކަލް އަދި ސްޓޭޓް ސަރުކާރުތަކަށް ފެޑެރަލް ގްރާންޓް ބޭނުންކޮށްގެން ޗައިނާގެ ޑްރޯން ގަތުން މަނާވާނެ ކަމަށާއި ޗައިނާއިން ފެޑެރަލް ޑިޕާޓްމަންޓްތަކާއި އެޖެންސީތަކުން ގަނެފައިވާ ބޭރުގެ ކޮމާޝަލް އޮފް ދަ ޝެލްފް ޑްރޯންތަކާއި ކަވަރުކޮށްފައިވާ އިންސާނުން ނެތް މަތިންދާބޯޓު ސިސްޓަމްތަކުގެ އަދަދު ބަޔާންކޮށް ފެޑެރަލް ރިޕޯޓެއް ބޭނުންވާނެ ކަމަށެވެ.
ކްރިޝްނާމޫރްތީ ވިދާޅުވީ މި ބިލުގެ ސަބަބުން ސަރުކާރުގެ އިދާރާތަކުން ބޭރުން އުފައްދާ ޑްރޯން ޓެކްނޮލޮޖީއަށް ބަރޯސާވުމުގެ ސަބަބުން ކުރިމަތިވާ ނުރައްކަލުން ރައްކާތެރިވެ، އެމެރިކާގެ ޑްރޯން އިންޑަސްޓްރީ ކުރިއެރުވުމަށް މަގުފަހިވެގެންދާނެ ކަމަށެވެ.
