ހަނގުރާަމައަށް 26 ދުވަސް: ޝަހީދުންގެ އަދަދު 9000އިން މައްޗަށް
އިޒްރޭލުން ފަލަސްޠީނުގެ ޣައްޒާއަށް މެދުކެނޑުމެއް ނެތި ހަމަލާ ދެމުން އަންނައިރު، ޝަހީދު ކޮށްލި ފަލަސްޠީނުގެ ރައްޔިތުންގެ އަދަދު 9،000 އިން މައްޗަށް އަރައިފިއެވެ.
އިޒްރޭލުގެ ހަމަލާތަކަށް 26 ދުވަސް ވަނީ ވެފައެވެ.ވ
މިހައިތަނަށް އިޒްރޭލުން ދެމުން އަންނަ ހަމަލާތައް މައިގަނޑު ގޮތެއްގައި އަމާޒު ކޮށްފައި ވަނީ އެއްވެސް ކުށެއް ނެތް، ފަލަސްޠީނުގެ އާއްމު ރައްޔިތުންނަށެވެ. އަދި ވަކިން ޚާއްސަކޮށް، އަންހެނުންނާއި ކުޑަކުދިން ޝަހީދުވާ އަދަދު ގިނަކަން ފާހަގަކުރެވެއެވެ.
ޔަހޫދީން އިއްޔެ ވަނީ ޣައްޒާގައި ހުންނަ ޖަބަލިއާ ރެފިއުޖީ ކޭމްޕަށް އަމާޒުކޮށް، ދެވަނަ ހަމަލާ ދީ، 195 މީހުން ޝަހީދުކޮށްލައިފައެވެ. އެތައް ބަޔަކު އުޅޭ ސަރަހައްދަށް އަމާޒުކޮށް ދިން މި ހަމަލާގެ ސަބަބުން 100އަށްވުރެ ގިނަ މީހުން ގެއްލިފައިވާ ކަމަށް މީޑިއާތަކުން ވަނީ ރިޕޯޓުކޮށްފައެވެ.
ހަނގުރާމަ ހުއްޓައިލައިފާނެކަމުގެ ކޮޅުމަތި ނުފެންނައިރު، ފަލަސްޠީނުގެ ބިންތަކުގައި އުޅޭ ޔަހޫދީ ވަޒަންވެރިންގެ ފަރާތުން ވެސް ފަލަސްޠީނުގެ ރައްޔިތުންނަށް އަންނަނީ ދުއްތުރާތައް ކުރިމަތި ކުރުވަމުންނެވެ. އެގޮތުން ހުޅަނގު އައްސޭރީގައި ކާރުތަކުގައި ރޯކުރުމާއި، ފަލަސްޠީނުގެ ރައްޔިތުންނަށް ހަމަލާ ދިނުން ފަދަ ޢަމަލުތައް އަންނަނީ ހިންގަމުންނެވެ.
ަ
