އަފްގާން މީހުން ބޭރު ކުރާ މައްސަލައިގައި ޕާކިސްތާނުން ބުނަނީ އެއީ އެ މީހުންގެ ޙައްޤެއް ކަމަށް
"ގަވައިދާ ހިލާފަށް" އުޅޭ ބިދޭސީން އެ ގައުމުން ބޭރުކުރަން ސަރުކާރުން ނިންމި ނިންމުމާ ގުޅިގެން ބައިނަލްއަގުވާމީ ފާޑުކިޔުންތައް ދޮގުކުރައްވައި ފޮރިން މިނިސްޓްރީގެ ތަރުޖަމާނު މުމްތާޒް ޒަހްރާ ބަލޮޗް ބުރާސްފަތި ދުވަހު ވިދާޅުވީ، "އިމިގްރޭޝަން ގާނޫނުތައް ތަންފީޒު ކުރުމަކީ އަޅުގަނޑުމެންގެ ސިޔާދަތީ ހައްގެއް" ކަމަށް ވާތީ ޕާކިސްތާނުން އެކަމާ ބެހޭ ގޮތުން އެއްވެސް ތަފްސީލެއް ދޭން ނުޖެހޭ ކަމަށެވެ.
"އިމިގްރޭޝަންގެ ގާނޫނާ ހިލާފަށް އުޅޭ މީހުން އަނބުރާ ގައުމަށް ފޮނުވާލުމަކީ އެއްވެސް ގައުމިއްޔަތަކަށް ބެލުމެއް ނެތި ނިންމި ނިންމުމެއް. ޕާކިސްތާނުން ދެކޭ ގޮތުގައި ދުނިޔޭގެ ކޮންމެ ގައުމެއްގައި ވެސް އޮންނަ ފަދައިން ގަވައިދާ ހިލާފަށް މިތަނުގައި ތިބޭ މީހުން ޑީޕޯޓް ކުރެވޭނެ އިމިގްރޭޝަން ގާނޫނުތައް ތަންފީޒު ކުރުމަކީ އަޅުގަނޑުމެންގެ ސިޔާދަތީ ހައްގެކެވެ. އެހެންވީމާ، ޤައުމުތަކަށް ތަފްޞީލުދޭކަށް ނުޖެހޭ
އެއީ އިމިގްރޭޝަންގެ އަމިއްލަ ގާނޫނެއް އޮންނަ އަދި އެ މީހުންގެ ސިޔާދަތީ ހައްގާ އެއްގޮތްވާ ގޮތުގެ މަތިން ތަންފީޒު ކުރާ ގާނޫނުތަކެއް،" ކޮންމެ ހަފުތާއަކު ބާއްވާ ޕްރެސް ބްރީފިންގައި މިކަމާ ގުޅޭ ގޮތުން ގިނަ ސުވާލުތަކަކަށް ޖަވާބު ދެއްވަމުން އެފްއޯގެ ތަރުޖަމާނު ވިދާޅުވި އެވެ.
އަފްޣާނިސްތާނުގެ ރެފިއުޖީން އަނބުރާ ގައުމަށް ފޮނުވާލުމަށް ޕާކިސްތާނުން ނިންމި ނިންމުމަށް ފާޑުކިޔައި އދ.ގެ ކުރީގެ ރެފިއުޖީ އެމްބެސެޑަރު އަދި ހޮލީވުޑްގެ މަޝްހޫރު ތަރި އެންޖެލީނާ ޖޮލީގެ އިންސްޓަގްރާމް ޕޯސްޓަކަށް ނޫސްވެރިޔަކު ސަމާލުކަން ދިނުމުން ތަރުޖަމާނު ވިދާޅުވީ އެފަދަ ވާހަކަތަކުގެ އަސްލަކީ ހާލަތާ މެދު އޮޅުން އަރާ ވާހަކަތަކެއް ކަމަށް ބެލެވޭ ކަމަށެވެ.
"މިކަމާ ގުޅޭ ގޮތުން ވެސް ވަރަށް ގިނަ ގޯސްރިޕޯޓުތައް އެބަހުރި،" ޕާކިސްތާނުން މިހާރު ގެންގުޅޭ މީހުން އަނބުރާ ގައުމަށް ފޮނުވާލުމުގެ ސިޔާސަތަކީ މިހާރު ޕާކިސްތާނުގައި ތިބި ރެފިއުޖީންނާ ގުޅުން ހުރި ސިޔާސަތެއް ނޫން ކަމަށް ތަކުރާރުކޮށް އެކަމަނާ ވިދާޅުވި އެވެ.
އދ.ގެ އިންސާނީ ހައްގުތަކާ ބެހޭ ހައިކޮމިޝަނަރު ވޮލްކަރ ތުރުކް، އަފްޣާނިސްތާނުގެ ރައްޔިތުންނާ މެދު ގޯނާކުރުމާއި، އާބިޓްރަރީކޮށް ބަންދުކޮށް، މުދަލަށް ގެއްލުންދޭ ކަމުގެ ރިޕޯޓްތަކާ ގުޅިގެން ފާޅުކުރެއްވި ކަންބޮޑުވުންތަކަށް ރައްދު ދެއްވަމުން އެކަމަނާ ވިދާޅުވީ ގަވައިދާ ހިލާފަށް އުޅޭ ބިދޭސީން އަނބުރާ ގައުމަށް ފޮނުވާލުމަކީ އިންސާނިއްޔަތާ ހިލާފު ގޮތަކަށް ކުރިއަށް ގެންދާނެ ކަމެއް ކަމަށާއި އެކަމާ ގުޅޭ ގޮތުން ގާނޫނު ތަންފީޒުކުރާ ހުރިހާ އިދާރާތަކަށް އިރުޝާދު ފޮނުވާފައިވާ ކަމަށެވެ.
