ފައިސާގެ މައްސަލައެއްގައި މީހަކު ހޯދަނީ
އއ. އުކުޅަހު މެޖިސްޓްރޭޓް ކޯޓަށް ހުށަހަޅާފައިވާ ފައިސާ ދެއްކުމަށް ކޮށްފައިވާ ޙުކުމެއް ތަންފީޒުރުކުރުމުގެ މައްސަލައެއްގައި މީހަކު ހޯދުމަށް ފުލުހުންގެ އިދާރާއިން އިޢުލާނު ކޮށްފިއެވެ.
ފުލުހުން ވިދާޅުވީ އުކުޅަހު މެޖިސްޓްރޭޓް ކޯޓަށް ހުށަހެޅިފައިވާ މައްސަލައަކާ ގުޅިގެން އެ ކޯޓަށް ހާޒިރު ކުރަން ބޭނުންވެ ހާޒިރު ކުރެވިފައިނުވާ މީހަކު ބަންދުގައި ބަހައްޓައިގެން ކޯޓަށް ހާޒިރު ކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާ ގުޅިގެން އެމީހާ ހޯދުމުގެ މަސައްކަތް ފުލުހުން ކުރަމުންދާ ކަމަށެވެ.
އެ ޢަމުރާއި ގުޅިގެން ފުލުހުން ހޯދަނީ ކ. މާލެ، މ. ވިންޑްސްރީން، އަބްދުއްރަޝީދު އިބްރާހީިމް (64އ) އެވެ.
ޢަބްދުއްރަޝީދު އިބްރާހީިމް ހޯދަމުންދަނީ ފައިސާ ދެއްކުމަށް ކޮށްފައިވާ ޙުކުމް ތަންފީޒްކުރުމުގެ މައްސަލައާ ގުޅިގެން ކޯޓަށް ހާޒިރުކުރުމަށް ބޭނުންވެ ހާޒިރުކުރެވިފައިނުވާތީ، ބަންދުގައި ބަހައްޓައިގެން މި މަހުގެ 22 ވަނަ ދުވަހުގެ 10:00 އަށް ކްރިމިނަލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެން ކަމަށް އެ އިދާރާއިން ބުނެއެވެ.
ފުލުހުން ވިދާޅުވީ ޢަބްދުއްރަޝީދު އިބްރާހީިމް އާބެހޭ އެއްވެސް މަޢުލޫމާތެއް ލިބިފައިވާ ފަރާތެއް ވާނަމަ ފުލުހުންގެ ކަސްޓޯޑިއަލް ނަންބަރު 9991442 އަށް ގުޅައި ހިއްސާކުރުމަށް އެދޭ ކަމަށެވެ.
Ads by STO
