ހަތަރު ދުވަހަށް ހަމަލާތައް މެދުކަނޑައިލަން އެއްބަސްވެއްޖެ
ފަލަސްޠީނުގެ ޣައްޒާއަށް ޔަހޫދީން ދެމުން އަންނަ ހަމަލާތައް ހަތަރު ދުވަހަށް މެދުކަނޑައިލަން ނިންމައިފިއެވެ.
މި ހަމަލާތައް މެދުކަނޑައިލަން އެއްބަސްވީ ޤަތަރު މެދުވެރިވެގެން، ހަމާސް އާއި އިޒްރޭލުގެ ސިފައިންނާ ދެމެދު ވެފައިވާ އެއްބަސްވުމެއްގެ ދަށުންނެވެ.
މި އެއްބަސްވުމާއިއެކު، ޔަހޫދީ ޖަލުތަކުގައި ތިބި 150 އަންހެނުންނާއި ކުޑަ ކުދިން ދޫކޮށްލާނެއެވެ. އަދި ހަމާސްގެ ބެލުމުގެ ދަށުގައިވާ 50 ޔަހޫދީން ވެސް މިނިވަން ކުރުމަށް ވަނީ ހަމަޖެހިފައެވެ.
ޔަހޫދީން ޣައްޒާ ހިފުމަށް، އެ ތަނަށް ހަމަލާތައް ދޭން ފެށީ މިދިޔަ މަހުގެ ހަތްވަނަ ދުވަހުއެވެ. ހަ ހަފްތާގެ މުއްދަތަށް ދިގު ދެމިގެން ދިޔަ ހަމަލާތަކުގައި މިހައިތަނަށް ފަލަސްޠީނުގެ 14000 މީހުބް ވަނީ ޝަހީދުކޮށްލައިފައެވެ. ޝަހީދުންގެ ތެރޭގައި އެންމެ ގިނައީ އަންހެނުންނާއި ކުޑަ ކުދިންނެވެ. އޭގެތެރޭގައި ފަސްހާސް ކުޑަ ކުދިންހިމެނެއެވެ.
Ads by STO
