ހުޅުމާލޭގައި ހިނގި އެކްސިޑެންޓުގައި ހާލު ސީރިއަސްވި މީހާ ނިޔާވެއްޖެ 

ހުޅުމާލޭ ސެންޓްރަލް ޕާކް ސަރަހައްދުގައި ހިނގި އެކްސިޑެންޓުގައި ހާލު ސީރިއަސްވި މީހާ ނިޔާވެއްޖެއެވެ.

Ads by Hajj Corporation

ހުޅުމާލެ ސެންޓްރަލް ޕާކް ކައިރިން ބާރު ސްޕީޑުގައި ދުއްވާފައި ދިޔަ ކާރެއް ކޮންޓްރޯލް ނުވެ ގޮސް 3 ސައިކަލުގައި ޖެހި  އެކްސިޑެންޓެއް ހިނގާފައިވަނީ މި މަހުގެ 20 ވަނަ ދުވަހުގެ ރޭގެ ވަގުތެއްގައެވެ.

ފުލުހުން ބުނީ އެ އެކްސިޑެންޓުގައި އަނިޔާވެފައިވަނީ 2 ސައިކަލުގައި ތިބި 4 މީހުންނަށް ކަމަށެވެ.

ލިބުނު އަނިޔާތަކަށް ފަރުވާ ހޯދަމުން ދަނިކޮށް ނިޔާވެފައި ވަނީ ހ. ޒަފޫފް އިސްމާޢީލް ވަޙީދުއެވެ. ވެންޓިލޭޓަރުގައި އޮއްވައި އިސްމާއީލް ނިޔާވީ ރޭގެ ދަންވަރު 02:07 ހާއިރުއެވެ. އިސްމާއީލްގެ ކަށު ނަމާދު އޮތީ މިއަދު މެންދުރު ނަމާދަށް ފަހުއެވެ.