އިންޑިއާ/ރާއްޖެ ހައިޑްރޯގްރެފީ އެއްބަސްވުން އާ ނުކުރަން ނިންމައިފި
ރާއްޖެ އާއި އިންޑިއާއާ ދެމެދު އެއްބަސްވެވިގެން ކުރިއަށް ގެންދަމުންދާ ރާއްޖޭގެ ހައިޑްރްގްރަފީ ސާވޭ ހެދުމުގެ އެއްބަސްވުން އާ ނުކުރާނެކަން އިންޑިއާސަރުކާރަށް މިހާރު އަންގާފައިވާ ކަމަށް ރައީސް އޮފީހުގެ ޕަބްލިކް ޕޮލިސީގެ އަންޑަ ސެކްރެޓަރީ މުހައްމަދު ފިރުޒުލް މިއަދު ވިދާޅުވެއްޖެއެވެ.
ފިރްޒުލް ވިދާޅުވީ މިއީ ބޭރު ގައުމުތަކާ އެކު ހަދާފައި ހުރި، ގައުމީ ސަލާމަތަށް ނުރައްކާ ފަދަ އެއްބަސްވުންތައް އުވާލުމާ ގުޅޭވައުދުގައި ހިމެނޭ ކަމެއް ކަމަށެވެ.
އެއްބަސްވުން ހަދާފައި އޮތީ ޖޫން 7، 2024 ގައި މުއްދަތުހަމަވާ ގޮތަށް ކަމަށާއި މި އެއްބަސްވުން އާކުރަން ބޭނުން ނުވާނަމައޭގެ ހަ މަސް ދުވަހުގެކުރިން އަންގަންޖެހޭ ކަމަށް ވެސް އޭނާ ވިދާޅުވިއެވެ.
ފިރުޒުލް ވިދާޅުވީ މި އެއްބަސްވުން ނިމުމަކަށް ގެނައުމުގެ ސަބަބުން، އޭގެ އެއްވެސް ބަދަލެއް އިންޑިއާއަށް ދޭން ނުޖެހޭކަމަށެވެ.
އޭނާ އިތުރަށް ވިދާޅުވީ މި ނިންމެވުން ނިންމެވީ ރައީސް މުއިއްޒު ކެބިނެޓްގައި މަޝްވަރާ ކުރެއްވުމަށް ފަހު ކަމަށެވެ.
އަދި މި މަޢުލޫމާތަކީ އެމްއެންޑީއެފްގެ އެތެރޭގައި އިތުރު އެއްވެސް ފަރާތެއްގެ އެހީއާއި ނުލާ ރައްކާކުރެވިފައި ހުންނަން ޖެހޭ މަޢުލޫމާތު ކަމުން އެކަން ކުރުމަށް ބޭނުންވާ ޤާބިލުކަން އެންޑީއެފްގައި އިތުރު ކުރަން ޖެހޭ ކަމަށް ފިރުޒުލް ވިދާޅުވިއެވެ.
އެގޮތުން އެމްއެންޑީއެފްގައި ހައިޑްރޯގްރަފީގެ ޤަަބިލުކަން ޤާއިމުކުރުމަށް ބަޖެޓުގެ ތެރެއިން ޚާއްޞަ މިންވަރެއް ކަނޑައަޅާ ފިނޭންސް މިނިސްޓްރީން އެ ބަޖެޓު ހަމަޖެއްސުމުން އެ މަސައްކަތް މިހާރު ފެށިފައިވާ ކަމަށް ފިރުޒުލް ވިދާޅުވިއެވެ.
