ޓެރިފް ބޮޑުކުރުމަށާއި ޗައިނާއާ އެކު އޮތް އިގްތިސާދީ ގުޅުން ކަނޑާލުމަށް މެމްބަރުން ގޮވާލައްވައިފި
މީގެ ދެ ދިހަ ވަރަކަށް އަހަރު ކުރިން ދުނިޔޭގެ ވިޔަފާރީގެ ޖަމިއްޔާއާ ގުޅުމަށްފަހު އެމެރިކާއިން ބެއިޖިންއަށް ދިން ޓެރިފް ރޭޓްތައް އުވާލުމާއި، ޗައިނާއާ އެކު އެމެރިކާގެ އިގްތިސާދީ އަދި މާލީ ގުޅުން ތައް އިތުރަށް ކަނޑާލުމަށް ބައިޕާޓިޝަން ގާނޫނު ހަދާ މަޖިލީހުގެ މެމްބަރުން ގޮވާލައްވައިފި އެވެ.
ޗައިނާގެ ކޮމިއުނިސްޓް ޕާޓީގެ ހައުސް ސެލެކްޓް ކޮމިޓީން ވަނީ ޗައިނާއާ އެކު އެމެރިކާގެ އިގްތިސާދީ ގުޅުން އަލުން ބަދަހިކުރުމަށް ގިނަ ހުށަހެޅުންތަކެއް ނެރެފަ އެވެ. ހައުސް ޑިމޮކްރެޓުންނާއި ރިޕަބްލިކަން ޕާޓީން ސޮއިކޮށްފައިވާ މި ރިޕޯޓުގައި ބުނެފައި ވަނީ ޗައިނާއިން "އިގްތިސާދީ ހަރުކަށިކަމުގެ މަލްޓިޑެކޭޑް ކެމްޕެއިނެއް" ހިންގާފައިވާ ކަމަށާއި އޭގެ ސަބަބުން އެމެރިކާގެ ކުންފުނިތައް ނިކަމެތިކޮށް، ދުނިޔޭގެ މުހިންމު ސިނާއަތްތަކަށް ބާރު ފޯރުވައި، އަސްކަރީ ހަމަނުޖެހުން ތައް ފުޅާވެއްޖެ ނަމަ އެމެރިކާ ވަރަށް ބޮޑަށް ނުރައްކަލަށް ހުށަހެޅިފައިވާ ކަމަށެވެ.
53 ސޮފްހާގެ މި ރިޕޯޓުގައި ކޮންގްރެސް އާއި ސަރުކާރުން އެ ނާޒުކުކަން ފޫބެއްދުމަށް އެޅިދާނެ ގާތްގަނޑަކަށް 150 ރިކޮމެންޑޭޝަނެއް ހިމަނާފައިވެ އެވެ. އޭގެ ތެރޭގައި ޗައިނާގެ ކުރީގެ ބާވަތްތަކުގެ ޗިޕްތަކުން އާ ޓެރިފްތަކެއް ނެގުމާއި ދުނިޔޭގެ ބޮޑެތި އިގްތިސާދުތަކުގެ މެދުގައި ކެޕިޓަލް އާއި ޓެކްނޮލޮޖީގެ ދައުރު އިތުރަށް ކަނޑާލުން ހިމެނެ އެވެ.
އެ ރިޕޯޓުގެ އެހެން ރިކޮމެންޑޭޝަންތަކުގެ ތެރޭގައި އާންމުކޮށް ވިޔަފާރިކުރާ އެމެރިކާގެ ކުންފުނިތަކުން ޗައިނާއާ ގުޅުން ހާމަކޮށް، ފާމަސޫޓިކަލްސް އާއި ކްރިޓިކަލް މިނަރަލްސް ފަދަ ދާއިރާތަކުން ޗައިނާގެ ބާރު ގަދަވަމުންދާތީ އެމެރިކާގެ ރިސާޗް އަދި މެނުފެކްޗަރިން ކެޕޭސިޓީއަށް އިތުރަށް އިންވެސްޓް ކުރުން ހިމެނެ އެވެ. އަދި ޗައިނާ ސަރުކާރުން ޓައިވާނަށް އަރައިފިނަމަ އިގްތިސާދީ ގޮތުން އެކުވެރި ގައުމުތަކާ ގުޅިގެން މަސައްކަތް ކުރާނެ ޕްލޭންތަކެއް އެކުލަވާލުމަށް ވެސް ވަނީ ލަފާދީފަ އެވެ.
