ގަތަރުގެ ކޯޓަކުން އިންޑިއާގެ އަށް މީހެއްގެ މަރުގެ ހުކުމް ބާތިލްކޮށްފި: ނިއު ދިއްލީ
ގަތަރުން މިދިޔަ އަހަރު ހައްޔަރުކުރި އިންޑިއާގެ ކުރީގެ އަށް ނޭވީ އޮފިސަރުންގެ މައްޗަށް އިއްވާފައިވާ މަރުގެ ހުކުމް ގަތަރުގެ ކޯޓަކުން ބާތިލުކޮށްފައިވާ ކަމަށް އިންޑިއާގެ ފޮރިން މިނިސްޓްރީން ބުނެފި އެވެ.
މިދިޔަ އޮކްޓޫބަރު މަހުގެ ތެރޭގައި މަރުގެ ހުކުމް އިއްވި މި އަށް މީހުންގެ މައްޗަށް ތުހުމަތު ކޮށްފައި ވަނީ އިޒްރޭލަށް ޖާސޫސް ކުރި ކަމުގެ ތުހުމަތެވެ.
ނަމަވެސް އެ މީހުންނަށް މިހާރު ކުރާނީ ކޮން އާ އަދަބެއް ކަމެއް ނުވަތަ އަދަބެއް ކަމެއް އިންޑިއާގެ ހާރިޖީ ވުޒާރާއިން ހާމަކޮށްފައެއް ނުވެއެވެ.
"ޤަތަރުގެ ކޯޓް އޮފް އެޕީލްގެ މިއަދުގެ ޙުކުމް ފާހަގަކޮށްފައިވާ" އިރު، އެ ހުކުމުގައި ވަނީ އަދަބުތައް "ލުއިކުރެވިފައިވާ" ކަމަށް ބުނެފައެވެ.
އަދި ކުރިއަށް އޮތް ފިޔަވަޅުތަކާ މެދު ގޮތެއް ނިންމުމަށް ގާނޫނީ ވަކީލުންގެ ޓީމާއި އާއިލާގެ މެމްބަރުންނާ ވެސް ވަރަށް ގާތުން ގުޅަމުން އަންނަ ކަމަށާއި ގަތަރުގެ ކަމާބެހޭ ފަރާތްތަކާ އެކު އެ މައްސަލަ ކުރިއަށް ގެންދާނެ ކަމަށް ވެސް އެ ބަޔާނުގައި ވެ އެވެ.
"ޝަރީއަތުގެ ސިއްރު އަދި ނާޒުކު ސިފަތަކުގެ ސަބަބުން" މި މައްސަލައާ ގުޅޭ ގޮތުން އިތުރު އެއްޗެއް ބުނަން އެ ޕާޓީން ދެކޮޅު ހެދި އެވެ.
އިންޑިއާގެ ވެރިރަށް ނިއުދިއްލީގައި ހުންނަ ގަތަރާއި އިސްރާއީލުގެ އެމްބަސީތަކުގެ ބަހެއް އަދި ވަނީ ލިބޭ ގޮތް ނުވެފަ އެވެ.
