ޤައުމުތަކުން ޓައިވާނުގެ އިންތިޚާބާ ގުޅިގެން މަރުހަބާ ކިޔާތީ ޓައިވާނުން ނުރުހުންވެއްޖެ
ހޮނިހިރު ދުވަހު ބޭއްވި އިންތިހާބަށް ފަހު ޓައިވާނުގެ ޑިމޮކްރެޓިކް ޕްރޮގްރެސިވް ޕާޓީ (ޑީޕީޕީ) އާއި އެ ޕާޓީގެ އިންތިހާބީ ރައީސް ލައި ޗިންގް-ޓޭއަށް މަރުހަބާ ކިޔަމުން ދިޔަ ބޭރުގެ ސަރުކާރުތައް ޗައިނާގެ ހާރިޖީ ވުޒާރާ އާއި ދުނިޔޭގެ އެކި ކަންކޮޅުތަކުގައި ހުންނަ އެ ގައުމުގެ އެމްބަސީތަކުން ވަނީ އެކަން ކުށްވެރިކޮށްފަ އެވެ.
ޑީޕީޕީގެ ރިޔާސީ ކެންޑިޑޭޓް ލައި ވޯޓު ކާމިޔާބު ކުރެއްވުމާ ގުޅިގެން، ގިނަ ހާލަތްތަކުގައި ނުރަސްމީ ކޮށް ނަމަވެސް ހޫނު ހިއްސާއެއް އޮންނަ ގައުމުތަކުގެ ބައެއް ވަޒީރުންނާއި ސިޔާސީ ބޭފުޅުން ވަނީ އަމިއްލަ ވެރިކަން ކުރާ ރަށާ އޮންނަ ގުޅުމުގެ ސަބަބުން ލައި އަށާއި ޑީޕީޕީއަށް ތަހުނިޔާގެ މެސެޖުތައް ފޮނުވައިފަ އެވެ.
ޗައިނާގެ އެމްބަސީތަކުން މިކަމަށް އަވަސް ރައްދެއް ދީފައިވާއިރު، ޗައިނާގެ އެމްބަސީތަކުން ވަނީ ޓައިވާނަކީ މިނިވަން މުސްތަގިއްލު ގައުމަކަށް ހެދުމުގެ އުއްމީދުގައި އެ ގައުމުން ދެކޭ ކެނޑިޑޭޓަކާއި ސިޔާސީ ޕާޓީއަކަށް ސައްހަކަން ކަށަވަރުކޮށްދޭ ކަމަށް ފެންނަ އެހެން ގައުމުތަކާ މެދު ބެއިޖިންގެ އިހުލާސްތެރިކަން ފާހަގަކޮށްފަ އެވެ.
އެމެރިކާގެ ޚާރިޖީ ވަޒީރު އެންތަނީ ބްލިންކެން، ލައިއަށް މަރުހަބާ ވިދާޅުވެ، ޓައިވާނާ އެކު އޮންނަ ނުރަސްމީ ގުޅުން އިތުރަށް ބަދަހި ކުރުމަށް ވޮޝިންޓަނުން އުންމީދުކުރާ ކަމަށް ވިދާޅުވެ ނެރުއްވި ބަޔާނަކީ ޓައިވާނުގެ މިނިވަންކަމުގެ ވަކިވެގަތުމުގެ ބާރުތަކަށް ވަރަށް ބޮޑަށް ގޯސް ސިގްނަލެއް ދޭ ބަޔާނެއް ކަމަށް ޗައިނާގެ ޚާރިޖީ ވުޒާރާއިން ސިފަކޮށްފިއެވެ.
"އެމެރިކާ އާއި ޓައިވާނާ ދެމެދު އެއްވެސް ބާވަތެއްގެ ރަސްމީ މުއާމަލާތެއް ހިންގުމާ ޗައިނާއިން އަބަދުވެސް ދެކޮޅު ހަދަމުން އަންނަ ކަމަށާއި، ޓައިވާނުގެ ކަންކަމަށް އެމެރިކާ އިން އެއްވެސް ސިފައެއްގައި އަދި ކޮންމެ ވެސް ބަހަނާއެއް ދައްކައިގެން ނުފޫޒު ފޯރުވުމާ ވަރަށް ބޮޑަށް ދެކޮޅު ހަދައެވެ،" ފޮރިން މިނިސްޓްރީގެ ވެބްސައިޓުގައި ޝާއިއުކޮށްފައިވާ ބަޔާނެއްގައި ބުނެފައިވެ އެވެ.
އިނގިރޭސި ވިލާތުގެ ޚާރިޖީ ވަޒީރު ޑޭވިޑް ކެމަރަން، ލައިއަށާއި އޭނާގެ ޕާޓީއަށް މަރުހަބާ ވިދާޅުވެ ނެރުއްވި ބަޔާނެއްގައި، އިންތިޚާބަކީ ޓައިވާނުގެ ހަރުދަނާ ޑިމޮކްރަސީގެ ހެއްކެއް ކަމަށް ވިދާޅުވެ، ޗައިނާ އެމްބަސީން ވަނީ އެކަން ކުށްވެރިކޮށްފައެވެ.
