ލުފްތަންސާއިން އިންޑިއާގެ ޑިމާންޑް ބޮޑުވުމުން އެހެން ޤައުމުތަކުން ކެންސަލްކޮށްފި
ލުފްތަންސާގެ ޗީފް ކޮމާޝަލް އޮފިސަރު ހެއިކޯ ރެއިޓްޒް ބުރާސްފަތި ދުވަހު ވިދާޅުވީ ލުފްތަންސާއިން އެހެން ގައުމުތަކުން ފްލައިޓް ކެޕޭސިޓީ ނަގަމުން ދަނީ މިހާރު ޖަރުމަނު އެއާލައިންގެ އެންމެ ހަލުވިކަމާއެކު ކުރިއަރަމުން އަންނަ ބޮޑު މާކެޓު ކަމަށްވާ އިންޑިއާގައި ދަތުރުފަތުރުގެ ޑިމާންޑް ބޮޑުވަމުންދާތީ ކަމަށެވެ.
ހައިދަރުއާބާދުގައި ކުރިއަށްދާ "ވިންގްސް އިންޑިއާ" އިވެންޓުގެ ހަވާސާގައި ރޮއިޓާސްއަށް ދިން އިންޓަވިއުއެއްގައި ރީޓްޒް ބުނީ ލުފްތަންސާ (LHAG.DE) އިންޑިއާއަށް ކުރާ ފްލައިޓް ކެޕޭސިޓީ ކޮވިޑްގެ ކުރިން އޮތް މިންވަރަށް ވުރެ 14 ޕަސެންޓް އިތުރު ކަމަށެވެ.
"އަޅުގަނޑުމެންގެ އެހެން މަންޒިލްތަކަށް ވުރެ އިންޑިއާ ދަނީ ހަލުވިކަމާއެކު ކުރިއަރަމުން. އެހެން މާކެޓްތަކުން ކެޕޭސިޓީ ނަގައިގެން އިންޑިއާއަށް މި ގެންދަނީ،" އޭނާ ވިދާޅުވި އެވެ.
"އަޅުގަނޑުމެންގެ އެހެން މަންޒިލްތަކަށް ވުރެ އިންޑިއާ ދަނީ ހަލުވިކަމާއެކު ކުރިއަރަމުން. އެހެން މާކެޓްތަކުން ކެޕޭސިޓީ ނަގައިގެން އިންޑިއާއަށް މި ގެންދަނީ،" އޭނާ ވިދާޅުވި އެވެ.
ސްވިސް އެއާ ހިމެނޭ ލުފްތަންސާ ގްރޫޕުން މިހާރު އިންޑިއާއަށް ހަފުތާއަކު 64 ފްލައިޓް ބާއްވަމުން އަންނައިރު، ބަލިމަޑުކަމުގެ ކުރިން 56 ފްލައިޓް އޮޕަރޭޓް ކުރެ އެވެ.
އިންޑިއާއަކީ ދުނިޔޭގެ ފަސްވަނައަށް އެންމެ ބޮޑު މަދަނީ ވައިގެ ދަތުރުފަތުރުގެ މާކެޓު ކަމަށާއި އެތެރޭގެ ދަތުރުވެރިންގެ ޓްރެފިކް 2030 ވަނަ އަހަރު 152 މިލިއަނަށް ވުރެ ދެގުނަ އިތުރުވެ 350 މިލިއަނަށް އަރާނެ ކަމަށް ލަފާކުރެވޭއިރު، ބައިނަލްއަގުވާމީ ދަތުރުވެރިންގެ އަދަދު 160 މިލިއަނަށް އިތުރުވާނެ ކަމަށް ބެލެވެ އެވެ.
