4 ކެންޑިޑޭޓުން ނަން ނަގައިފި، އިންތިހާބުގައި ވާދަކުރާނީ 368 މީހުން
ރައްޔިތުންގެ މަޖިލީހުގެ އިންތިހާބުގައި ވާދަކުރަން ފޯމު ހުށަހެޅި ހަތަރު ކެންޑިޑޭޓެއްގެ ނަން އަނބުރާ ގެންގޮސްފިއެވެ.
އަންނަ މަހުގެ 17 ވަނަ ދުވަހު ބާއްވަން ނިންމާފައިވާ އިންތިހާބަށް ކުރިމަތިލުމުގެ ވަގުތު ހަމަވިއިރު، 93 ދާއިރާއަށް 381 ކެންޑިޑޭޓުން ފޯމު ހުށަހެޅިއެވެ.
އިލެކްޝަންސް ކޮމިޝަނުން މިއަދު ބުނީ، އޭގެ ތެރެއިން ޝަރުތު ހަމަވެ އިންތިހާބުގައި ވާދަކުރެވެނީ 368 މީހުންނަށް ކަމަށެވެ. އޭގެ ތެރޭގައި ހިމެނެނީ އެންމެ 41 އަންހެނުންނެވެ.
އަދި ނަން އަނބުރާ ގެންދިއުމަށް ހުޅުވާލި ފުރުސަތުގައި ހަތަރު ކެންޑިޑޭޓެއްގެ ނަން އަނބުރާ ގެންގޮސްފައިވާ ކަމަށް އީސީން ބުންޏެވެ.
ވާދަކުރާ ކެންޑިޑޭޓުންގެ މެދުގައި ގުރުއަތު ނަގަން ފަށާފައިވަނީ މިއަދު މެންދުރު ފަހު 02:30 ގައި ދަރުބާރުގޭގައެވެ. ނަން ތަރުތީބުކުރުމަށް ހާޒިރުވާން ޖެހޭ ގަޑިތައް އިލެކްޝަންސް ކޮމިޝަނުން ވަނީ ރޭ ގެޒެޓުކޮށްފައެވެ.
މި އަހަރުގެ އިންތިހާބުގައި 284،337 މީހަކަށް ވޯޓުލުމުގެ ހައްގު ލިބެ އެވެ.
