ޗައިނާއިން އަސްކަރީ ސާމާނު ނުލިބުމުގެ ސަބަބުން ބަންގްލަދޭޝްއަށް ބޮޑެތި ގެއްލުންތަކެއް
ޑެޓް ފައިނޭންސިންއާއި އެކު ދަށް ނުވަތަ އަގުހެޔޮ އަގުތަކުގެ ސަބަބުން މިފަހަކަށް އައިސް ބަންގްލަދޭޝްއިން ވަނީ ޗައިނާއިން ދިފާއީ ސާމާނު ވަރަށް ބޮޑަށް ހޯދާފައެވެ.
އެހެންނަމަވެސް، ޗައިނާގެ ނުރަނގަޅު އަދި ފެންވަރު ދަށް އާލާތްތަކާއި، މެޝިނަރީގެ ބާވަތްތަކާއި އަސްކަރީ އުޅަނދުތަކަކީ މިހާރު ޑާކާގެ ވަރަށް ބޮޑު ކަންބޮޑުވުމަކަށް ވެއްޖެއެވެ. ޗައިނާގެ ވިއްކާ ފަރާތްތަކުގެ ފަރާތުން ފެންވަރު ދަށް ސްޕެއާ ޕާޓްސް އާއި މެއިންޓެނެންސްގެ ހިދުމަތް ތައް ފޯރުކޮށްދިނުމުގެ ސަބަބުން ދުވަހުން ދުވަހަށް ކުރާ މަސައްކަތްތަކަށް ވެސް ބުރޫ އަރަ އެވެ. މިކަމުގެ ސަބަބުން ބަންގްލަދޭޝްގެ ދިފާއީ ބާރުތަކަށް ދަތިތަކެއް ކުރިމަތިވެފައިވާއިރު، ޗައިނާގެ ހަތިޔާރާއި ހަތިޔާރު ގެއްލުނު މައްސަލަތައް ގިނަފަހަރަށް ދަނީ ފެންމަތިވަމުންނެވެ.
ދެކުނު އޭޝިއާގެ އެ ގައުމުގެ އަސްކަރީ އުފެއްދުންތަކުގެ ހަތަރުބައިކުޅަ ތިންބައި ހިއްސާކުރަނީ ޗައިނާއިން ކަމަށްވާތީ، ޗައިނާގެ އަސްކަރީ އުފެއްދުންތަކުގެ ކޮލިޓީ އާއި ދިގު މުއްދަތަކީ ބަންގްލަދޭޝްގެ ސަލާމަތަށް ގެއްލުން ހުރި ކަމެކެވެ.
މީގެ އިތުރުން ބަންގްލަދޭޝްގެ ނޭޝަނަލް ޑޭޓާ ސެންޓަރަށް ސްޓޯރޭޖްގެ މައްސަލަތައް ކުރިމަތިވީ ޗައިނާގެ ކުންފުންޏެއް ކަމަށްވާ ޒެޑްޓީއީއިން ލައިސަންސް ނެތް ނުވަތަ ޕައިރޭޓެޑް ސޮފްޓްވެއާ ކޮޕީތައް ފޯރުކޮށްދިނުމުގެ ސަބަބުން ޕްރައިވެޓް އަދި ސެންސިޓިވް މައުލޫމާތުތައް އެކްސްޕޯޒްވުމުންނެވެ.
ކެލިފޯނިއާގެ ތިންކް ޓޭންކް ރޭންޑް ކޯޕަރޭޝަންގެ ރިސާޗަރެއް ކަމަށްވާ ސިންޑީ ޒެންގް ވިދާޅުވި ގޮތުގައި ތަރައްގީވަމުން އަންނަ ގައުމުތަކުގެ ތެރޭގައި ބަންގްލަދޭޝް ހިމެނެ އެވެ.
"ބަންގްލަދޭޝްއިން ރިޕޯޓްކޮށްފައި ވަނީ ޗައިނާއިން އުފެއްދި ކޭ-8ޑަބްލިއު މަރުކާގެ މަތިންދާ ބޯޓުތަކަށް ބަރުކޮށްފައި ހުރި ހަތިޔާރުތައް ޑެލިވަރީ ކުރިތާ ކުޑަ އިރުކޮޅެއްގެ ތެރޭގައި ފޮނުވާލުމުގައި ދަތިތަކެއް ހުރި ކަމަށް،" އެކަމަނާ ވިދާޅުވި އެވެ.
Ads by STO
