މެޑިކަލް ޓުއަރިޒަމްގެ ސަބަބުން ބަންގްލަދޭޝް އާއި އިންޑިއާގެ ގުޅުން ބަދަހިވެއްޖެ
މެޑިކަލް ޓުއަރިޒަމް އިންޑަސްޓްރީގައި ދުނިޔޭގެ އެންމެ ކުރީސަފުގައި ހަރަކާތްތެރިވާ އިންޑިއާއަކީ މިއަދު މުޅި ދުނިޔޭގައި ބަލި މީހުންނަށް އެންމެ ޚަރަދު ކުޑަ އަދި އެންމެ ހަލުވިކަމާއެކު ކުރިއަރަމުން އަންނަ މެޑިކަލް ޓުއަރިޒަމް މަންޒިލެވެ. ދެކުނު އޭޝިއާގެ ގައުމުތަކަށް ހާއްސަކޮށް ބަންގްލަދޭޝްއަށް ސިއްހީ ހިދުމަތް ފޯރުކޮށްދިނުމުގެ ތެރެއިން ބޯޑަރު ހުރަސްކޮށް ބައިލެޓަރަލް ކޯޕަރޭޝަންގައި އިންޑިއާ އަކީ ލީޑާޝިޕް ދައުރެއް އަދާކުރާ ގައުމެކެވެ.
އިންޑިޔާގެ ހާއްސަ ކަމަކީ ޔުނާނީ، ޔޯގާ، މެޑިޓޭޝަން، އާޔުރްވެދާ އަދި ހޯމިއޯޕެތިކް ޓްރީޓްމަންޓް ފަދަ ހޯލިސްޓިކް މެޑިކަލް ހިދުމަތްތައް ފޯރުކޮށްދިނުމުގެ ގާބިލުކަމެވެ. ފެންވަރު ރަނގަޅު ޞިއްޙީ ޚިދުމަތްތެރިންނާއި ނަރުހުން ލިބުމާއި، މެޑިކަލް ސްޓާފުން 24 ގަޑިއިރު ޚިދުމަތް ދިނުމާއި، ހޮސްޕިޓަލްތަކުގައި ލަގްޒަރީ ރޫމްތައް އިޚްތިޔާރުކުރުމާއި، ރަނގަޅު މެޑިކަލް އޮޕްޝަންތަކާއި، ކާމިޔާބީގެ ރޭޓްމަތިވުމާއި، ކާޑިއޯވަސްކިއުލާ ސާޖަރީ، އޯގަން ޓްރާންސްޕްލާންޓް އަދި ލޮލުގެ ސާޖަރީ ފަދަ އެޑްވާންސް ހެލްތްކެއަރ ސެގްމަންޓްގައި ފަރުވާހޯދުމުގެ ޝަރަފު، އިންޑިޔާގެ ޓްރެޑިޝަނަލް ވެލްނެސް ސިސްޓަމްތަކުގެ މަޤްބޫލުކަން، ޓޫރިސްޓު މަންޒިލްތަކުގެ ތަފާތުކަން، އިންފޮމޭޝަން ޓެކްނޮލޮޖީގެ ވަރުގަދަކަން އިންޑިއާގެ މެޑިކަލް ޓުއަރިޒަމްގެ ހިތްގައިމު ކަންކަމެވެ.
މިއަދު ބަންގްލަދޭޝްގެ ގިނަ ބަޔަކު ޚަރަދު ކުޑަ ބޭސްފަރުވާގެ މަންޒިލެއްގެ ގޮތުގައި އިންޑިއާ ޚިޔާރުކުރާއިރު، ގިނަފަހަރަށް ހޮޓެލް އެކޮމޮޑޭޝަން ނުވަތަ ސައިޓްސީނިންގ ފަދަ ކޮމްޕްލިމެންޓްރީ ޓުއަރިޒަމްގެ ޚިދުމަތްތަކާއެކު ޕެކެޓްކުރެވިފައި ހުރެއެވެ.
ބަންގްލަދޭޝްއިން ކޮންމެ އަހަރަކު ވެސް ގިނަ އަދަދެއްގެ ޓޫރިސްޓުން އިންޑިއާއަށް ޒިޔާރަތް ކުރެ އެވެ. 2022 ވަނަ އަހަރު އިންޑިއާއަށް އެންމެ ގިނަ ފަތުރުވެރިން ޒިޔާރަތްކޮށްފައިވަނީ އެމެރިކާއިންނެވެ. 2022 ވަނަ އަހަރުގެ އޭޕްރީލް މަހުން ފެށިގެން އޮކްޓޯބަރު މަހުގެ ނިޔަލަށް 38.3 ލައްކައަށްވުރެ ގިނަ ބިދޭސީން އިންޑިއާއަށް ޒިޔާރަތްކޮށްފައިވާއިރު، އެންމެ ގިނައިން ޒިޔާރަތްކޮށްފައިވަނީ ބަންގްލަދޭޝްގެ ރައްޔިތުންނެވެ. އަދި މި ދަތުރުތަކުގެ ބޮޑު ބައެއް މެޑިކަލް ޓޫރިޒަމަށް ކުރާކަން ވެސް ފާހަގަކޮށްލަން ޖެހެ އެވެ. ފަރުވާ އަށް އިންޑިއާއަށް ދާ ބޭރުގެ މެޑިކަލް ޓޫރިސްޓުންގެ ތެރެއިން ގާތްގަނޑަކަށް 54 ޕަސެންޓަކީ ބަންގްލަދޭޝް މީހުންނެވެ. 2018 ވަނަ އަހަރުން ފެށިގެން ފާއިތުވި ތިން އަހަރުގެ ތެރޭގައި ބަންގްލަދޭޝްއިން މެޑިކަލް ޓޫރިސްޓުން އަންނަ މިންވަރު ވަނީ 83 ޕަސެންޓް އިތުރުވެފަ އެވެ.
