ޗައިނާއާއި ރަޝިއާއާ ގުޅިގެން ހަނދުގައި ނިއުކްލިއަރ އިންޖީނެއް
ރަޝިޔާއާއި ޗައިނާއިން 2033-35 އަށް ހަނދުގައި ނިއުކްލިއާ އިންޖީނުގެއެއް ބެހެއްޓުމަށް ވިސްނަމުންދާ ކަމަށް ރަޝިޔާގެ ޖައްވީ އިދާރާ ރޮސްކޮސްމޯސްގެ ވެރިޔާ ޔޫރީ ބޮރިސޮވް ވިދާޅުވެއްޖެ އެވެ.
ކުރީގެ ޑެޕިއުޓީ ޑިފެންސް މިނިސްޓަރުކަން ކުރައްވާފައިވާ ބޮރިސޮވް ވިދާޅުވީ ރަޝިއާ އާއި ޗައިނާ ގުޅިގެން ހަނދުގެ ޕްރޮގްރާމެއް ކުރިއަށް ގެންދިއުމުގެ މަސައްކަތް ކުރަމުން އަންނަ ކަމަށާއި މޮސްކޯއަށް "ނިއުކްލިއާ ސްޕޭސް އެނާޖީ" ގެ ތަޖުރިބާއާއެކު އެހީތެރިކަން ފޯރުކޮށްދެވިފައިވާ ކަމަށެވެ.
"މިއަދު އަޅުގަނޑުމެން ސީރިއަސްކޮށް ވިސްނަމުން މިދަނީ- 2033-2035 ވަނަ އަހަރުގެ ކުރީކޮޅުގައި- ޗައިނާގެ އެކުވެރިންނާ އެކު ހަނދުގެ ސަރަޙައްދުގައި ޕަވަރ ޔުނިޓެއް ޑެލިވަރީކޮށް އިންސްޓޯލް ކުރުމުގެ ޕްރޮޖެކްޓެއް ގެނައުމަށް،" ބޮރިސޮވް ވިދާޅުވި އެވެ.
އަދި ސޯލާ ޕެނަލްތަކުން މުސްތަގުބަލުގައި ހަނދުގެ އާބާދީތަކަށް ކަރަންޓު ދެވޭނެ މިންވަރަށް ކަރަންޓު ނުދެވޭނެ ކަމަށާއި ނިއުކްލިއާ ހަކަތައަށް ވެސް ކަރަންޓު ދެވޭނެ ކަމަށް އޭނާ ވިދާޅުވި އެވެ.
"މިއީ ވަރަށް ސީރިއަސް ޗެލެންޖެއް... އެއީ އޮޓޮމެޓިކް މޯޑުގައި، އިންސާނުން ނުތިބެ، ކުރަން ޖެހޭ ކަމެއް،" ވެދާނެ ޕްލޭނާ ބެހޭ ގޮތުން އޭނާ ވިދާޅުވި އެވެ.
ބޮރިސޮވް ވަނީ ނިއުކްލިއާ ހަކަތައިގެ ކާގޯ ސްޕޭސްޝިޕެއް އުފައްދަން ރަޝިއާއިން ރާވާފައިވާ ކަމަށް ވިދާޅުވެފައެވެ. އޭނާ ވިދާޅުވީ ނިއުކްލިއާ ރިއެކްޓަރު ފިނިކުރާނެ ގޮތުގެ ހައްލެއް ހޯދުމުގެ އިތުރުން ޕްރޮޖެކްޓާ ގުޅޭ ޓެކްނިކަލް ހުރިހާ ސުވާލަކަށް ހައްލު ލިބިފައިވާ ކަމަށެވެ.
"ހަގީގަތުގައި ސްޕޭސް ޓަގު ބޯޓެއް ގެނައުމުގެ މަސައްކަތް މި ކުރަނީ. ނިއުކްލިއާ ރިއެކްޓަރަކާއި ހައި ޕަވާ ޓާބައިންތަކެއްގެ ސަބަބުން ކުރެވޭނެ މި ބޮޑު، ސައިކްލޯޕިއަން ސްޓްރަކްޗަރ... އެއް އޯބިޓުން އަނެއް އޯބިޓަށް ބޮޑެތި ކާގޯތައް އުފުލުމާއި، ސްޕޭސް ކުނި ނެގުމާއި، އެހެނިހެން ގިނަ އެޕްލިކޭޝަންތަކުގައި ބައިވެރިވުން،" ބޮރިސޮވް ވިދާޅުވި އެވެ.
ރަޝިއާގެ އޮފިޝަލުން މީގެ ކުރިން ވެސް ހަނދުގައި އެއް ދުވަހު މައިން ކުރަން ރާވާފައިވާ ކަމުގެ ވާހަކަ ދެއްކި ނަމަވެސް، ރަޝިއާގެ ޖައްވީ ޕްރޮގްރާމަށް މިފަހަކަށް އައިސް ވަނީ ބޮޑެތި ނާކާމިޔާބީތަކެއް ކުރިމަތިވެފަ އެވެ.
ރަޝިއާގެ ލޫނާ-25 ޖައްވީ އުޅަނދު ކޮންޓްރޯލުން ނެއްޓި ވެއްޓުމުން 47 އަހަރަށް ފަހު އެ ގައުމުގެ ފުރަތަމަ ހަނދު މިޝަން ފެއިލްވީ މިދިޔަ އަހަރު އެވެ.
