އިވޭ އަޑުތައް އަހާނެކަމެއް ނެތް، ރައީސް ސޮއިކުރައްވާ ޓިކެޓް ދެއްވީ އަޅުގަނޑަށް: ސަންޓޯ
ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި ތ. ތިމަރަފުށީ ދާއިރާގެ ޕްރޮގްރެސިވް ކޮންގްރެސް ކޯލިޝަންގެ ޓިކެޓް، ރައީސް ޑރ މުހައްމަދު މުއިއްޒު އެރުވި ކެންޑިޑޭޓަކީ އޭނާ ކަމަށާއި ސޯޝަލް މިޑިއާގައި ދެކެވޭ ވާހަކަތަކާއި އިވޭ އަޑުތަކަށް ސަމާލުކަން ނުދިނުމަށް އެ ދާއިރާއަށް ވާދަކުރާ އިބްރާހިމް ސަނާހު (ސަންޓޯ) ރޭ ވިދާޅުވެއްޖެއެވެ.
ތިމަރަފުށީ ދާއިރާގައި ސަރުކާރުގެ ކެންޑިޑޭޓަކު ހުއްޓަސް، ރައީސް މުއިއްޒުގެ ތާއިދުއޮތް ކެންޑިޑޭޓަކީ އަމިއްލަ ގޮތުން ވާދަކުރައްވާ އެ ދާއިރާގެ މިހާރުގެ މެންބަރު އަބްދުﷲ ރިޔާޒުގެ ބޭބެ އަހުމަދު ރިޔާޒު އަށްކަން ސަރުކާރުގެ އިސް ބޭފުޅުން ގެންދަވަނީ ހާމަކުރައްވަމުންނެވެ. ރިޔާޒުގެ ކެމްޕޭނު ހަރަކާތްތަކުގައި ވަޒީރުން ގެންދަވަނީ ބައިވެރިވެެސް ވަޑައިގަންނަވަމުންނެވެ.
މި ފަހުން މާލޭގައި ކެމްޕޭނު ޖަގަހަ ހުޅުވައިދެއްވައި ވާހަކަ ދައްކަވަމުން އިސް ވަޒީރު އަބްދުއްރަހީމް އަބްދުﷲ ވަނީ ރިޔާޒު އަށް ވޯޓު ދިނުމަށް ގޮވާލައްވާފައެވެ. ރައީސް ވެވަޑައިގެންފައިވާ ވައުދުތައް ފުުއްދޭނީ ރިޔާޒަށް ވޯޓުދީގެން ކަމަށްވެސް އަބްދުއްރަހީމް ވިދާޅުވެފައިވެއެވެ.
ނަމަވެސް ރޭ ބޭއްވި ކެމްޕޭނު ބައްދަލުވުމެއްގައި ތިމަރަފުށީ ދާއިރާގެ ޕީޕީއެމް/ޕީއެންސީގެ ރައީސް ސަންޓޯ ސަޕޯޓަރުން ގާތު އެދުނީ ސޯޝަލް މީޑިއާގައި ދެކެވެމުންދާ ވާހަކަތަކަށް ސަމާލުކަން ނުދިނުމަށެވެ. ދިން ޔަގީންކަމަކީ އޭނާގެ ސްޓޭންޑް ބަދަލުނުވާނެ ކަމެވެ. ތަކުރާރު ކުރެއްވީ ސަރުކާރު ކެންޑިޑޭޓަކީ އޭނާ ކަމެވެ.
''ރައީސް މުއިއްޒު ސޮއި ކުރައްވާފައި ޕީޕީއެމް ޕީއެންސީގެ ޓިކެޓު އަޅުގަނޑަށް ދެއްވީމައި އަޅުގަނޑު ގަބޫލުކުރީ އެއީ އަޅުގަނޑުގެ ޒިންމާ އެކޭ، އަޅުގަނޑު ކުރަން ޖެހޭ ކަމެކޭ، އެމަނިކުފާނުގެ ސޮޔަށް އަޅުގަނޑު އިހުތިރާމް ކުރަންޖެހެޔޭ'' ސަންޓޯ ވިދާޅުވިއެވެ.
ސަންޓޯ ވިދާޅުވީ ތިމަރަފުއްޓަށް ބޭނުންވާ ތަރައްގީ ގެނެވޭނީ މަޖިލީހަށް، އޭނާ އިންތިހާބުކޮށްގެން ކަަމަށެވެ.
ތިމަރަފުށީ ދާއިރާއަށް އެމްޑީޕީގެ ޓިކެޓުގައި ފަތުހުﷲ ޖަމީލް އަދި ދަ ޑިމޮކްރެޓްސްގެ ޓިކެޓުގައި ފާތިމަތު ޒިލްމާ ވާދަކުރެއެވެ.
ޕްރޮގްރެސިވް ކޮންގްރެސް ކޯލިޝަންގެ ޓިކެޓް ކާމިޔާބުކުރި ކެންޑިޑޭޓުން ނޫން އެހެން ކެންޑިޑޭޓަކަށް ސަރުކާރުން ތާއިދުކުރާ ކަމުގެ އަޑުތަކެއް ވަނީ ގަދަވެފައެވެ. ބައެއް ދާއިރާތަކުގައި އަމިއްލަ ގޮތުން ވާދަކުރާ ކެންޑިޑޭޓުންނަށް ރައީސް މުއިއްޒު ތާއިދު އޮތްކަމުގެ ޔަގީންކަން ސަރުކާރުގެ އިސްބޭފުޅުން ގެންދަވަނީ ދެއްވަމުންނެވެ.
ގއ ވިލިގިލި، ކ.ހުރާ، ޅ. ކުރެންދޫ އަދި އއ. މަތިވެރި ދާއިރާގެ އިތުރުން ކުޅުދުއްފުށީ ދެކުނު ދާއިރާގެ ޕީޕީއެމް/ޕީއެންސީ ނޫން އެހެެން ކެނޑިޑެޓުންނަށް ސަރުކާރުން ތާއިދު އޮތްކަން ދަނީ ހާމަކުރަމުންނެވެ. މަތިވެރި އާއި ކުރެންދޫ އިން ސަރުކާރު ތާއިދުކުރަނީ އެމްޑީޕީން ވަކިވެ ޕީއެންސީއާ ގުޅުނު މެމްބަރުންނަށެވެ.
ސޮަރުކާރުގެންނަން މަސައްކަތް ކުރި މީހުނަށް ސަރުކާރުން އިހާނެތިކޮށް ހިތީމަ ދެންވާނީ ކިހިނެއްތޯ
މުއިއްޒުގެ ވެރިކަމުގައި އެއްވެސް ތަފާތެއް ނުފެނެއޭ ދައުލަތުގެ މީޑިއާ ޓީވީއެމް އަކީ އެއީ ހިންދީ ރާގަށް ހަދާފައިވާ ކޮޕީ ކެޓް ލަވަތައް އިންޑިއާ އެމްބަސީ އާއި ގުޅިގެން ޕްރޮމޯޓް ކުރަން ހުންނަ ތަނެއް ހިންނަވަރޭ ވެރިކަން ނިމުނު އިރު މިހާރުވެސް އެތަން ހިނގަނީ އެގޮތަށް ބަލަގަ ޓީވީއެމް އިން ލަދު ގަންނަނީތޭ ފައްތޭ މެން ފަދަ އަމިއްލަ ރާގުތަކަށް ދިވެހި ލަވަ ކިޔާފައިވާ ލަވަތައް ގެނެސްދޭން ޓީވީއެމް އަކީ އެއީ އާންމުންގެ މަޝްހޫރު ކަން ހޯދަން ހުންނަ ތަނެއްނޫނޭ
ބަލަ، ތިޔާ އެތި ނުހިންގާނެ… ރައީސް ކެންޑިޑޭޓް ނަމަ، ރައީސް ހުންނާނީ ތިޔާ ބުނާ ސަންޓޯ އެއްގެ ފަހަތުގައި، ސަބަބު ވެސް އެގޭނެ… ކަމެއް ވީމަ އެއްކައިރި ކުރާނީ…