އަލްމަޝްއަރުން ބައުންސް ޗެކްތަކަށް ފައިސާ ނުދެއްކި، 50 އުމުރާވެރިން ތާށިވެފައި
ހައްޖާ އުމުރާގެ އަޅުކަމަށް މީހުން ގެންދިޔުމަށް ދިން ހުއްދަ ބާތިލްކުރުމުން، ޓްރެވެލް އެޖެންސީއަކަށް ނަން ބަދަލުކޮށްގެން މި ރަމަޝާން މަހު މަޝްއަރު ޓުއާސްގެ މައްޗަށް މަކަރާއި ހީލަތުގެ ދައުވާ ކުރާނެ ކަމަށް އިނަ މޯލްޑިވްސްގެ ވެރިޔާ މުހައްމަދު ފިރާގް ވިދާޅުވެއްޖެއެވެ.
ފޭސްބުކްގައި ކުރެއްވި ޕޯސްޓެއްގައި ފިރާގު މިފަދައިން ވިދާޅުވެފަައިވަނީ، މަޝްއަރުގެ ހަވާލުގައި އުމުރާއަށްދާން މިދިޔަ ހޯމަ ދުވަހު ފުރި މީހުންގެ ޓިކެޓަށްވާ ފައިސާ ދައްކަން މިދިޔަ ހަފްތާގެ ހޮނިހިރު ދުވަހު ދިން ހަތަރު ޗެކްވެސް ބައުންސު ވެފައިވާތީ، އެ ޗެކުތަކަށްވާ ފައިސާގެ އެއްބައި އިއްޔެ ދެއްކަން މަޝްއަރު ގްރޫޕަށް އެންގި ނަމަވެސް އެ ފައިސާ ލިބިފައިނުވާތީއެވެ.
ފިރާގް ވިދާޅުވީ، އެ ގްރޫޕުގެ ހަވާލުގައި އުމްރާއަށް ގޮސް ތިބި މީހުންގެ މަސްލަހަތަށް ބެލުމަށް ފަހު، ބައުންސްވި ޗެކުތަކަށް ފައިސާ ދެއްކުމަށް ފުރުސަތުތަކެއް ދެވިއްޖެ ކަމަށެވެ. ނަމަވެސް، އެ އަދިވެސް އެ ގްރޫޕުން ފައިސާ ދައްކާފައިނުވާތީ ކުންފުންޏަށް ލިބިދާނެ ގެއްލުން ކުޑަކުރުމުގެ ގޮތުން އެ ގްރޫޕުގެ މަސްއޫލުވެރިންގެ މައްޗަށް ދައުވާ އުފުލާނެ ކަމަށް ވިދާޅުވިއެވެ.
އަދި އިތުރު ގޮތެއް މިކަމުގައި ނުފެނިއްޖެނަމަ ބައުންސްވެފައިވާ ޗެކުތަކަށް ރިއާޔަތްކޮށް، މަކަރާއި ހީލަތުގެ ދައުވާ އެ ގްރޫޕާއި އެގްރޫޕުގެ މަސްއޫލުވެރިންގެ މައްޗައް އުފުލުން
މީގެއިތުރުން އޭނާ ވިދާޅުވީ، މަޝްއަރު ގްރޫޕުން އެއް މިލިއަން ރުފިޔާ ދައްކަން ޖެހޭ ކަމަށާއި، ފައިސާ ލިބިފައިނުވާތީ އިނާ މޯލްޑިވްސް އިން ވަނީ ވަގުތީ ގޮތުން ޓިކެޓް ''ހޯލްޑް'' ކޮށްފައިވާ ކަމަށެވެ.
މި ރޯދަ މަހު އެ ޓްރެވެލް އެޖެންސީން އުމްރާއަށް މީހުން ފޮނުވަން ފްލައިޓް ޗާޓަރު ކުރީ އިނާ މޯލްޑިވްސްގެ ދަށުން ހިންގާ ''އޭސް ޓްރެވެލް'' އާއި ''އޭސް އޭވިއޭޝަން'' އިންނެވެ. ފްލައިޓް ޗާޓަރުކުރީ ސްރީލަންކަން އެއާލައިން އާއި ގަތަރު އެއާލައިންގެ އިތުރުން އެމިރޭޓްސް އެއާލައިނުންނެވެ. އެ މީހުންގެ ހަވާލުގައި 50 މީހަކު އުމުރާގެ އަޅުކަމަށް ދިޔައެވެ. އަދި އެ އުމުރާވެރިން ރާއްޖެ އައުމަށް ހަމަޖެހިފައިވަނީ އަންނަ މަހުގެ 16 ވަނަ ދުވަހުއެވެ.
ކިހިނެއް ހަދާނީ އަޅުކަމުންވެސް ވައްކަން ކުރަނީ ސަދޫމް ސަދޫމް