ރައީސް ތާއީދުކުރައްވާ ކެންޑިޑޭޓުގެ ފަހަތަށް ޕާޓީ އެންމެން އެރުމަށް އެދިއްޖެ
މި މަހުގެ 21 ވަނަ ދުވަހު ބާއްވާ ރައްޔިތުންގެ މަޖިލީހުގެ އިންތިހާބުގައި ސަރުކާރުން ވަކި ކެންޑިޑޭޓަކަށް ތާއިދުކުރީމަ އެ ކެންޑިޑޭޓާއެކު ކުރިއަށް ދިޔުމަށް ރައީސް ޑރ މުހައްމަދު މުއިއްޒު ރޭ އިލްތިމާސް ކުރައްވައިފިއެވެ.
ބައެއް ދާއިރާތަކުގައި ޕީޕީއެމް/ޕީއެންސީގެ ކެންޑިޑޭޓަކު ހުއްޓަސް، ރައީސް ހިމެނިވަޑައިގަންނަވާހެން ސަރުކާރުގެ އިސްބޭފުޅުން ގެންދަވަނީ އަމިއްލަ ގޮތުން ވާދަކުރާ ކެންޑިޑޭޓުންނަަށް ތާއިދު ކުރައްވަމުންނެވެ. ތ. ތިމަރަފުށީ ދާއިރާ، ވިލިނގިލި ދާއިރާ، މައްޗަންގޮޅި މެދު ދާއިރާ އަދި ކުޅުދުއްފުށި ދެކުނު ދާއިރާ މަތިވެރި ދާއިރާގެ އިތުރުން ކުރެންދޫ ދާއިރާ އަަށް ސަރުކާރުގެ ތާއިދު އޮތީ އަމިއްލަ ގޮތުން ވާދަކުރާ ކެންޑިޑޭޓުންނަށެވެ.
ރޭ މާލޭގައި، ގަމު ދާއިރާއަށް ޕްރޮގްރެސިވް ކޮންގްރެސް ކޯލިޝަންގެ ޓިކެޓުގައި ވާދަކުރައްވާ ޔޫސުފް ނަޝީދުގެ ކެމްޕޭނު ބައްދަލުވުމުގައި ރައީސް ވަނީ އަމިއްލަ މަސްލަހަތު އެއްކައިރިކޮށް، ގައުމީ މަސްލަހަތު އިސްކުރަން ޕީޕީއެމް/ޕީއެންސީގެ މެންބަރުންނަށް ގޮވާލަައްވާފައެވެ.
އަމިއްލަ މަސްލަހަތު އެއްކައިރިކޮށްފައި، އަޅުގަނޑު ތާއިދުކުރާ، އަޅުގަނޑުމެން ތާއިދުކުރާ ސަރުކާރުން އެދޭ ކެންޑިޑެޓުން ހޮއްވަވައި ދެއްވުމުގައި ޕީޕީއެމް ޕީއެންސީގެ މެމްބަރުންގެ ކިބައިންވެސް އަޅުގަނޑުމެން އެދެނީ
ރައީސް ވިދާޅުވީ ބައެއް ދާއިރާތަކަކީ ވަރަށް ފަސޭހައިން ކާމިޔާބުކުރެވޭނެ ދާއިރާތަކަށްވެފައި, ވަކިން ނިކުތީމަ ޔަގީންވެފައިވާ ގޮނޑިތައްވެސް ގެއްލޭ ކަމަށެވެ.
