ކެމްބޯޑިއާގެ ކަނޑުގެ އަސްކަރީ މަރުކަޒުން އަނެއްކާވެސް ޗައިނާގެ ހަނގުރާމަމަތީ އުޅަނދުތައް ފެނިއްޖެ
ކެމްބޯޑިއާގެ ރީމް ނޭވަލް ބޭސްއަށް ޗައިނާގެ ކަނޑުގެ ސިފައިން މިހާރުވެސް ވަދެފައިވާއިރު، ދާދި ފަހުން މަދުވެގެން ދެ އުޅަނދެއް ވަނީ އެ ފެސިލިޓީއަށް ކަށަވަރުކޮށްދީފައެވެ.
ބެއިޖިންގެ މާލީ އެހީގައި ކެމްބޯޑިއާގެ ބޭސް އަޕްގްރޭޑް ކުރުމުގެ މަސައްކަތް ދަނީ ކުރަމުންނެވެ. ޗައިނާގެ ހަނގުރާމަމަތީ އުޅަނދުތައް އެންމެ ފުރަތަމަ ރީމްއަށް ޒިޔާރަތްކުރީ ޑިސެމްބަރު މަހުގެ ކުރީކޮޅުއެވެ. މާޗް މަހުގެ 20 ވަނަ ދުވަހުން ފެށިގެން އެންމެ ފަހުން ފެނުނު މަންޒަރަކީ ޗައިނާއިން އެ ބޭސްގައި އެކްސްކްލޫސިވް ކޮށް ބޭނުންކުރުމަށް ފެސިލިޓީއެއް ހަދަމުންދާތީ އެމެރިކާއިން ކަންބޮޑުވުން ފާޅުކުރަމުންދާ ދަނޑިވަޅެއްގައެވެ.
ނިކްކީ އަށް ލިބިފައިވާ ފޮޓޯތަކުން ފެންނަ ގޮތުގައި އެއް އުޅަނދަކީ ޗައިނާ އާއި ޕީޕަލްސް ލިބަރޭޝަން އާމީ ނޭވީގެ ދިދަތައް އުފުލާ ޗައިނާގެ ނޭވީ ކޯވެޓް ވެންޝާން އެވެ.
ގަލްފް އޮފް ތައިލެންޑަށް ވަންނަ ދޮރު ކައިރީގައި ސްޓްރެޓެޖިކް ގޮތުން ހުންނަ ރިއަމް ބޭސް އަކީ ކެމްބޯޑިއާގެ ކަނޑުގެ އަސްކަރިއްޔާއިން ދެކުނު ޗައިނާ ކަނޑުގެ ސަރަހައްދާއި އެހެނިހެން ތަންތަނަށް ވަނުމަށް ބޭނުންކުރަމުން އަންނަ ބޭސްއެކެވެ. ޗައިނާގެ އެހީގައި އެތަން ފުޅާވެގެން ދިއުމަކީ ހުޅަނގުގެ ގައުމުތަކުގެ ސަމާލުކަމަށް އައިސްފައިވާ ބޭސްއެއް ކަމަށް ބަލައި، ޗައިނާގެ ކަނޑުގެ ސިފައިންގެ އައުޓްޕޯސްޓަކަށް ވުމުގެ ފުރުސަތު އެބައޮތެވެ.
މިދިޔަ ޑިސެމްބަރު މަހު ޗައިނާގެ ހަނގުރާމަމަތީ އުޅަނދުތައް ޒިޔާރަތްކުރިއިރު ކެމްބޯޑިއާގެ ދިފާއީ ވަޒީރު ޓީ ސެއިހާ ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ އެ ބޯޓުތަކަކީ ޑްރިލްތަކަށް ތައްޔާރުވުމުގެ ތެރޭގައި ހިމެނޭ އުޅަނދުތަކެއް ކަމަށެވެ. މީޑިއާ ރިޕޯޓްތައް ބުނާ ގޮތުން ޗައިނާގެ އުޅަނދުތައް ރިއަމް ބޭސް އިން ފުރާފައިވަނީ ޖެނުއަރީ މަހުގެ މެދުތެރޭގަ އެވެ.
ކެމްބޯޑިއާގެ ބޮޑުވަޒީރު ހޫން މަނެޓްއާ އެކު ފެބްރުއަރީ މަހު ނޮމް ޕެންގައި ބޭއްވި ބައްދަލުވުމެއްގައި އެމެރިކާގެ އެސިސްޓެންޓް ސެކްރެޓަރީ އޮފް ސްޓޭޓް ފޯ އީސްޓް އޭޝިއަން އެންޑް ޕެސިފިކް އެފެއާޒް ޑެނިއަލް ކްރިޓެންބްރިންކް ވަނީ ރީމް ބޭސްގައި އިމާރާތް ކުރުމުގައި ޗައިނާ ގެ އަސްކަރިއްޔާގެ ބައިވެރިވުމާއި މުސްތަގުބަލުގައި އެ ބޭސް ބޭނުންކުރުމާ މެދު ވަރަށް ބޮޑަށް ކަންބޮޑުވުން ފާޅުކޮށްފަ އެވެ.
