އިންޑިއާ އާއި ޓައިވާނުގެ ގުޅުން ބަދަހިވެއްޖެ
އޮސްޓްރޭލިއާގެ ތިންކް ޓޭންކެއް ކަމަށްވާ އޮސްޓްރޭލިއަން ސްޓްރެޓެޖިކް ޕޮލިސީ އިންސްޓިޓިއުޓުން ނެރުނު ރިޕޯޓެއްގައި ވަނީ ޓައިވާން އެއްބައިވަންތަ ކުރުމަށް ޗައިނާ އަށް ބާރުގެ ބޭނުން ކުރުން ހުއްޓުވުމުގައި އިންޑިއާގެ މުހިންމު ދައުރެއް އަދާކުރުމުގެ ގާބިލްކަން ފާހަގަކޮށްފަ އެވެ.
އެ ރިޕޯޓުގައި ބުނެފައި ވަނީ އިންޑިއާގެ ނުފޫޒު އަސްކަރީ ބާރުގެ ބޭރުން ދާ ކަމަށެވެ.
އޭގެ ބަދަލުގައި އިންޑިއާގެ އިގްތިސާދީ ބާރާއި ޑިޕްލޮމެޓިކް ގުޅުންތަކާއި ގާނޫނީ އޮޕްޝަންތަކާއި ސްޓްރެޓެޖިކް މުހިންމުކަމަށް އަލިއަޅުވާލާފައިވެ އެވެ.
އަދި އަސްކަރީ ބާރުގެ ބޭނުން ކުރުމަށް ޗައިނާ އަށް ހިތްވަރު ދީ، ޓައިވާނާ ގުޅޭ ގޮތުން އެގައުމުގެ ނިންމުންތަކަށް ނުފޫޒު ފޯރުވުމަށް އިންޑިއާއަށް މި ބާރުތަކުގެ ބޭނުން ހިފުމަށް އިތުރު ހަ ގޮތެއް ވަނީ ހުށަހަޅައިފަ އެވެ.
ޗައިނާއިން ވަނީ މާޗް މަހުގެ ކުރީކޮޅު ޓައިވާނާ މެދު ހަރުކަށި ވިސްނުމެއް ގެންގުޅޭކަމުގެ އިޝާރާތެއް ދީފައެވެ. ޓައިވާނަކީ އަމިއްލަ އަށް ވެރިކަން ކުރާ ޖަޒީރާ ގައުމެއް ނަމަވެސް ޗައިނާއިން ބުނަނީ އެއީ އެގައުމުގެ ސަރަހައްދެއް ކަމަށެވެ.
ޗައިނާގެ ގާނޫނު ހަދާ މަޖިލިސް ކަމަށްވާ ނޭޝަނަލް ޕީޕަލްސް ކޮންގްރެސްގެ މި މަހުގެ ފަސް ވަނަ ދުވަހު ބޭއްވި ބައްދަލުވުމެއްގައި އޮފިޝަލުން ވަނީ ސުލްހަވެރިކަމާ އެކު ޓައިވާން މެއިންލޭންޑާ އަލުން ގުޅެން އުޅުނު ކަމަށް މީގެ ކުރިން ދެއްކި ވާހަކަތައް ދޫކޮށްލައިފަ އެވެ.
އާ ބަހުރުވައިން "ހަރުދަނާ" އެއްބައިވަންތަކަމަށް ބާރުއަޅައި، މިއަށްވުރެ ބާރުގަދަ ވިސްނުމަކަށް ހުށަހަޅައެވެ.
އަދި ޗައިނާގެ ކާމިޔާބީގެ ސަބަބުން އިންޑިއާގެ އަރޫނާޗަލް ޕްރަދޭޝް ސްޓޭޓްގެ އިތުރުން ސަރަހައްދީ އެހެން ދަޢުވާތައް ކުރިއަށް ގެންދިއުމަށް ބެއިޖިންގއަށް ހިތްވަރު ލިބިގެންދާނެކަމަށް ބެލެވެއެވެ.
މިއީ އާ މައްސަލައެއް ނޫން ކަމަށާއި، އަރޫނާޗަލް ޕްރަދޭޝްއާ ބެހޭ ގޮތުން ޗައިނާއަކީ އަބަދުވެސް އިންޑިއާ ސަރުކާރުން ހަރުކަށި އިބާރާތުން ދެކޮޅު ހަދަމުން އަންނަ ގައުމެއް ކަމުން، ޗައިނާއަކީ އާ މައްސަލައެއް ނޫނެވެ.
ޓައިވާނުގެ ކޮންޓްރޯލް ހޯދުމަށް ޗައިނާއިން އިސްކަން ދެނީ ބާރުގެ ބޭނުންކޮށްގެން ކަމަށް ބެލެވޭ އިރު، އެކަމަށް ޓަކައި ވަރުގަދަ އަސްކަރިއްޔާއެއް ބިނާކުރަމުން އަންނައިރު، އެހެން ގައުމުތަކުގެ ޖަވާބެއް އަދި ސާފެއް ނުވެ އެވެ.
ނުތަނަވަސްހާލަތު އޮތް ނަމަވެސް ޗައިނާއަށް ހަމަލާދިނުން ހުއްޓުވިދާނެއެވެ.
އެމީހުންގެ ކޮންޓްރޯލް ނެގުމަށް އަޒުމް ކަނޑައަޅައި، އަސްކަރީ ތަފާތު ގޮތްތައް ތައްޔާރުކުރަމުން އަންނައިރު، ފުލް ސްކޭލް އިން ހަމަލާއެއް ދިނުމަކީ އެންމެ ފަހުގެ ފިޔަވަޅެވެ.
އިޤްތިޞާދީ ގޮތުން ލިބޭ ގެއްލުންތަކާއި ދުނިޔޭގެ ނުރައްކާތަކުން ސަލާމަތްވުމަށް ޗައިނާއިން އިސްކަންދޭނީ އަސްކަރީ ނޫން އެއްބައިވަންތަކަމަކަށެވެ.
އެޓޭކް ކުރުމުގެ ކުރިން ކާމިޔާބީގެ ފުރުސަތު ބޮޑު ކަމަށް ގަބޫލުކުރެވެންދެން އެ މީހުން އިންތިޒާރު ކުރާނެ ކަމަށް ބެލެވެ އެވެ. ސުލްހައިގެ ދުވަސްވަރު ބައިނަލްއަގްވާމީ އެއްބާރުލުން ދިނުމަކީ ހަމަލާއެއްގައި ޗައިނާގެ ކާމިޔާބީއާ މެދު ޝައްކު އުފައްދައި ޗައިނާގެ ނިންމުމަށް ނުފޫޒު ފޯރުވައިފާނެ ކަމެކެވެ.
Ads by STO
