ގޯތި ނުދެނޭކަމުގެ ޝަކުވާ އަދިވެސް ގިނަ، އެހެނެއް ނުވާނެ: މިނިސްޓްރީ
ކުރީގެ ރައީސް އިބްރާހިމް މުހައްމަދު ސޯލިހުގެ ދައުރުގެ ފަހުކޮޅުގައި "ބިންވެރިޔާ ސްކީމް"ގެ ދަށުން ހުޅުމާލޭ ފޭސް ދޭއް، ތިނެއް، ގުޅީފަޅު އަދި ގިރާވަރުފަޅު ދަށުން ދޫކުރި ގޯތި ލިބުނު ބިންވެރިންނަށް އެ ގޯތި ހަވާލުނުކުރާނެ ކަމަށް ބުނެ ޝަކުވާތައް ލިބެމުންދާ ކަމަށް ހައުސިން މިނިސްޓްރީން މިއަދު ބުނެފިއެވެ.
އެ މިނިސްޓްރީން ނެރުނު ބަޔާނެއްގައި ބުނީ, ބަންޑާރަ ގޯތި ލިބުނު ފަރާތްތަކަށ،ް ލިބިފައިވާ ގޯތިތައް މި ސަރުކާރުން ހަވާލުނުކުރާނޭ ކަމަށް ބުނެ ސިޔާސީ ބައެއް ފަރާތްތަކުން ހަގީގަތާ ހިލާފު ވާހަކަތައް ފަތުރަމުންދާ ކަމަށެވެ. އެކަމަކު ފަތުރަނީ ދޮގުވާހަކަތަކެއް ކަމަށް މިނިސްޓްރީން ބުންޏެވެ.
''މި ސްކީމްގެ ދަށުން ގޯތި ލިބިފައިވާ ފަރާތްތަކުގެ ޝަކުވާތައް މި މިނިސްޓްރީއަށް އަންނަނީ ލިބެމުން'' ބަޔާނުގައި ބުންޏެވެ.
މިނިސްޓްރީން މިއަދުވެސް ވެސް ދިން ޔަގީންކަމަކީ މީގެ ކުރިންވެސް ބުނެފައިވާ ގޮތަށް "ބިންވެރިޔާ ސްކީމް" ގެ ދަށުން ގޯތި ލިބިފައިވާ ފަރާތްތަކަށް ލިބިފައިވާ ގޯތިތައް, އެ ފަރާތްތަކާވީ އެންމެ އަވަސް މުއްދަތެއްގެ ތެރޭގައި ބިން ހަވާލުކޮށް ނިންމުމުގެ މަސައްކަތް ކުރަމުންދާ ކަމަށެވެ.
ގޯތިތައް ލިބިފައިވާ ފަރާތްތަކަށް އިތުރު ޔަގީންކަމެއް ދިނުމުގެ ގޮތުން މި ސަރުކާރުން ލިޔުމެއް ހޯދުމަށް ގިނަ ފަރާތްތަކަކުން އެދެމުންދާތ،ީ ގޯތި ލިބުމަށް ޝަރުތު ފުރިހަމަވި އެންމެހާ ފަރާތްތަކަށް ގޯތި ދޫކުރާނެކަމުގެ ޔަގީންކަން ދިނުމުގެ ގޮތުން ހައުސިން މިނިސްޓަރު ޑރ. އަލީ ހައިދަރު އަހުމަދު ސޮއިކުރައްވައ،ި އިއްޔެ އިން ފެށިގެން ގޯތި ލިބިފައިވާ ކަމުގެ ލިޔުން ދޫކުރަން ވަނީ ފަށާފައެވެ.
އެ މިނިސްޓްރީން ދޫކޮށްފައިވާ ގޯތީގެ ރަޖިސްޓްރީ އާއި ގޯތި ލިބިފައިވާ ކަމުގެ ލިޔުމުގައި ބަޔާންކޮށްފައިވާ ކަންކަމަށް ފުރިހަމައަށް އިހުތިރާމްކޮށ،ް އެލިޔުންތަކުގައި ބަޔާންކޮށްފައިވާ ކަންކަމާ އެއްގޮތަށް އަމަލު ކުރާނޭކަމުގެ ޔަގީންކަން ގޯތި ލިބުމަށް ޝަރުތު ފުރިހަމަވި އެންމެހާ ފަރާތްތަކަށް ގޯތި ދޫކުރާނެކަމުގެ
ޔަގީންކަން ސަރުކާރުން ވަނީ ދީފައެވެ.
ބިންވެރިޔާ ސްކީމްގެ ދަށުން ހުޅުމާލެ ފޭސް ދޭކާއި އާއި ފޭސް ތިނެއް އަދި ގުޅިފަޅު އަދި ގިރާވަރުފަޅުން ފުރަތަމަ ބުރުގައި 9،001 ގޯތި ދޫކުރުމަށް ނިންމައި، ގޯތި ލިބުނު މީހުންނަށް ރަޖިސްޓްރީ ވެސް ދޫކޮށްފައިވެ އެވެ. އަދި މިހާރު ހިއްކާ ނިމިފައި ހުރި ބިންތަކުން ބިންކަނޑާ ބިން ހަވާލު ވެސް ކުރިއެވެ. ހުޅުމާލެ ތިނެއް އާއި ގުޅިފަޅު އަދި ގިރާވަރުފަޅުގެ ބިން ހިއްކާ ނުނިމުނަސް ވަނީ ގަވާއިދަށް ބަދަލު ގެނެސްގެން ބިމުގެ ރަޖިސްޓްރީ ވެސް ހަވާލުކޮށްފައެވެ.
ގިރާވަރުން ދޫކޮށްފައިވާ 1347 ގޯއްޗެއް, ގުޅިފަޅަށް ބަދަލުކުރަން ސަރުކާރުން ވަނީ ނިންމާފައެވެ. ހައުސިން މިނިސްޓްރީން ބުނެފައިވާ ގޮތުން ގިރާވަރުފަޅުން ގޯތި ދޫކުރަނީ އެސަރަހައްދަށް ކޮންމެހެން ބޭނުންވާ މުހިއްމު ހިދުމަތްތަކަށް އެކަށީގެންވާ ވަރަށް ބިން އެކަށަ އެޅުމެއް ނެތިކަމަށްވާތީ އެ ހިދުމަތްތަކާއެކު ގިރާވަރުފަޅުގެ ލޭންޑް ޔޫސް ޕްލޭނަށް ބަދަލު ގެނައުމުން ގިރާވަރުފަޅުން ބިން ދޫކޮށްފައިވާ އަދަދަށް ގޯތި ނުނެގެތީއެވެ.
