ޓިކްޓޮކްއާ ގުޅޭ ގޮތުން ޗައިނާއާ އީޔޫ އިން ސުވާލު ކުރަނީ
ބައިޓްޑާންސްގެ ޓިކްޓޮކް ގެ އާ އެޕްލިކޭޝަން ފްރާންސާއި ސްޕެއިންގައި މި މަހު ތައާރަފްކުރި ޓިކްޓޮކް ލައިޓްގެ ރިސްކް އެސެސްމަންޓެއް ދިނުމަށް 24 ގަޑިއިރުގެ މުއްދަތެއް ދީފައި ވަނީ އޭގެ ސަބަބުން ކުޑަކުދިންނަށާއި ބޭނުންކުރާ މީހުންގެ ނަފްސާނީ ދުޅަހެޔޮކަމަށް ކުރާނެ ނޭދެވޭ އަސަރުތަކާ މެދު ކަންބޮޑުވުން ތަކެއް ހުރުމުން ކަމަށް ޔޫރަޕިއަން ކޮމިޝަނުން ބުދަ ދުވަހު ބުނެފި އެވެ.
ޑިޖިޓަލް ސާވިސަސް އެކްޓް (ޑީއެސްއޭ) ގެ ނަމުން ނަންދީފައިވާ އީޔޫގެ ޓެކް ގަވައިދުގެ ދަށުން އީޔޫގެ އިންޑަސްޓްރީޗީފް ތިއޭރީ ބްރެޓަން މިގޮތަށް ނިންމެވީ ގާނޫނާ ހިލާފުވެދާނެ ކަމަށް ބުނެ ޓިކްޓޮކްގެ މައްސަލަ ބަލަން ފެށިތާ ދެ މަސް ފަހުންނެވެ.
މި ލޭންޑްމާކް ގާނޫނުގެ ދަށުން ކުންފުނިތަކުގެ ޕްލެޓްފޯމްތަކުގައި ގަވާއިދާ ހިލާފަށް އަދި ގެއްލުންހުރި ކޮންޓެންޓްތައް ހުއްޓުވުމަށް އިތުރު މަސައްކަތްތަކެއް ކުރަން ޖެހޭ އިރު، ގަވާއިދާ ހިލާފުވެއްޖެ ނަމަ ދުނިޔޭގެ އަހަރީ ވިޔަފާރިގެ 6 ޕަސެންޓާ ހަމައަށް ޖޫރިމަނާ ކުރަން ޖެހެ އެވެ.
އެ ކޮމިޝަނުން ބުނީ 27 ގައުމު ހިމެނޭ ޔޫރަޕިއަން ޔޫނިއަންގައި ޓިކްޓޮކް ތައާރަފް ކުރުމުގެ ކުރިން އާ އެޕްލިކޭޝަނަށް ރިސްކް އެސެސްމަންޓެއް ހަދަން ޖެހޭ ކަމަށެވެ.
"ސޯޝަލް މީޑިއާ "ލައިޓް" އަކީ ސިނގިރޭޓް "ލައިޓް" ފަދަ އެޑިކްޓިވް އަދި ވިހަ އެއްޗެއް ހެއްޔެވެ؟ #TikTokLite ތައާރަފްކުރުމާ ބެހޭ ގޮތުން މައުލޫމާތު ހޯދަން އަޅުގަނޑުމެން މިހާރު ފޮނުވީ. #DSA ދަށުން ކުޑަކުދިން ހިމާޔަތްކުރުމަށް އެއްވެސް މަސައްކަތެއް ނުކުރާނަން،" އެކްސް ސޯޝަލް ޕްލެޓްފޯމްގައި ބްރެޓަން ވިދާޅުވި އެވެ.
