ފުލުހަކު، ނާސިން ދަރިވަރަކަށް ބްލެކް މެއިލްކުރާ ކަމަށް ބުނާ މައްސަލައެއް

ފުލުހުންގެ އިސް އޮފިސަރަކު، ވިލާ ކޮލެޖުގައި ނާސިން ކިޔަވަމުން އަންނަ ދަރިވަރަކު ބްލެކްމެއިލުކޮށް ފައިސާ ހޯދަން މަސައްކަތްކުރާ ކަމަށް ބުނާ މައްސަލަ އެއް ފެންމަތިވެއްޖެއެވެ.

Ads by Hajj Corporation

އެކްސް ގައި ޑރ މުހައްމަދު އާތިފް ވަނީ ފުލުހުންގެ އިންސްޕެކްޓަރު އިސްމާއީލް ރަމީޒު އިބްރާހީމް، ވިލާ ކޮލެޖުގައި ނާސިން ކިޔަވާ ދަރިވަރަކު ބްލެކްމެއިލް ކޮށް ފައިސާ ހޯދަން މަސައްކަތްކުރާ ކަމަށް ތުހުމަތުކޮށްފައެވެ.

އެކަމާއި ގުޅިގެން ޗީފް ސުޕްރިންޑެންޓް އޮފް ޕޮލިސް އަހުމަދު ޝިފާން ވިދާޅުވީ ފުލުހުންނާއި މެދު ކުރެވޭ ޝަކުވާތައް ތަހުގީގުކުރާ 'ބަހާއިން' އެ މައުލޫމާތު ޔަގީންކޮށް ބެލުމުގެ މަސައްކަތް ކުރަމުންދާ ކަމަށެވެ.

ފުލުހަކާއި މެދު އެއްވެސް ޝަކުވާއެއް އޮތްނަމަ އެ ޝަކުވާ ފުލުހުންގެ އިދާރާއަށް ރިޕޯޓުކޮށް އެކަން ހައްލު ކުރަން މަސައްކަތް ކުރުމަށްވެސް ޝިފާން ވަނީ އިލްތިމާސްކޮށްފައެވެ.