ރާއްޖޭގެ ދެކުނަށް ހުޅަނގު މޫސުން ފެށިއްޖެ

ރާއްޖޭގެ ދެކުުނަށް ހުޅަނގު މޫސުން ފެށިފައިވާ ކަމަށް، މޫސުމާ ބެހޭ ގައުމީ އިދާރާ މެޓް އޮފީހުން  ބުނެފި އެވެ.

Ads by STELCO

ހުޅަނގު މޫސުމުގެ އަސަރުތައް ދެކުނުން ފެންނަނީ އާންމު ގޮތެއްގައި މެއި މަހުގެ ފުރަތަމަ ދެ ހަފުތާގަ އެވެ. އެ ހަމައިން މި އަހަރު ވެސް، އިއްޔެ ހުޅަނގު މޫސުމުގެ އަސަރުތައް ދެކުނުން ފެނިފައިވާ ކަމަށް މެޓް އޮފީހުން ބުންޏެވެ.

ހުޅަނގު މޫސުން ފެށުނު ކަން ބެލުމަށް ބަލާ މިންގަނޑަކީ މެއި މަސް ފެށުނު ފަހުން 2.5 މިލިލީޓަރު ނުވަތަ އެއަށް ވުރެ އިތުރަށް ދެކުނުގެ އަތޮޅުތަކަށް ވާރޭ ވެހި އެ ގޮތަށް ދެ ދުވަހަކު ދެމިގެން ދިޔުމުންނެވެ.

އަދި ވައިގެ މިސްރާބު ހުޅަނގު ދެކުނާއި ހުޅަނގާ ދެމެދު ހުރެފައި ގަޑިއަކު 10 ނޯޓިކަލް މޭލަށް ވުރެ ބާރު މިނުގައި ޖެހުމަކީ ވެސް ހުޅަނގު މޫސުން ފެށުނު ކަމަށް ބަލާ މިންގަނޑެކެވެ.