ކާރު ގަނެދޭނެ ކަމަށް ބުނެ ފުލުހަކު މަކަރުން ފައިސާ ހޯދާ ކަމަށް ބުނާ މައްސަލައެއް ބަލަނީ

ކާރު ގަނެދޭނެ ކަމަށް ބުނެ އެކި މީހުންގެ އަތުން މަކަރުން ފައިސާ ނަގައިގެން އުޅޭ ކަމަށް ބުނާ ފުލުހެއްގެ މައްސަލައެއް ބަލަން ފަށައިފި އެވެ.

Ads by Hajj Corporation

ސޯޝަލް މީޑިއާގައި އެ ފުލުސް މީހާގެ ފޮޓޯއާއެކު ޕޯސްޓްތަކެއް ދަނީ ދައުރު ކުރަމުންނެވެ.

ޕޯސްޓްތަކުގައި ތުހުމަތުކޮށްފައިވާ ގޮތުގައި ފުލުސް މީހާއަކީ ތަހުގީގު ހިންގަން ތިބޭ ފުލުހުންނަށް އަމުރު ހިންގާ ލެވެލްގެ މަގާމެއް ފުރުވާ މީހެކެވެ. އޭނާގެ މައްސަލަ ފުލުހުންގެ ހިދުމަތަށް ނުބެލިގެން އުޅެނީ އެހެންވެގެންތޯ ޕޯސްޓްތަކުގައި ސުވާލު އުފައްދާފައިވެ އެވެ.

ފުލުހުންގެ ހިދުމަތުން މީޑިއާތަކަށް ފޮނުވި ޓެކްސްޓް މެސެޖެއްގައި ވަނީ އެ މައްސަލަ މިހާރު ޕޮލިސް ޕްރޮފެޝަަނަލް ސްޓެންޑާޑްސް އިން ބަލަމުންދާ ކަމަށެވެ.