އަގުތައް މައްޗަށް ދާތީ ޕާކިސްތާނުގައި ބޮޑެތި މުޒާހަރާތަކެއް
ޕާކިސްތާނުގެ ބާރުގެ ދަށުގައި އޮންނަ ކަޝްމީރުގައި ކަމާބެހޭ ފަރާތްތަކާ އެކު ހިނގި ހަމަނުޖެހުންތަކުގައި ހަތަރު މީހަކު މަރުވެ 100 މީހުން ޒަޚަމްވެއްޖެ އެވެ.
ފުށް އަދި ކަރަންޓުގެ އަގު އުފުލުމާ ދެކޮޅަށް ހުކުރު ދުވަހުން ފެށިގެން އެތައް ހާސް ބަޔަކު ވަނީ މަގުތަކަށް ނުކުމެ މުޒާހަރާކޮށްފަ އެވެ.
ޕާކިސްތާނުގެ ބޮޑުވަޒީރު ޝަހްބާޒް ޝަރީފް 24 ބިލިއަން ރުޕީސް (86 މިލިއަން ޑޮލަރު؛ 69 މިލިއަން ޕައުންޑް) ގެ ސަބްސިޑީ ދިނުމަށް ހުށަހެޅުއްވިތާ އެއް ދުވަސް ފަހުން، މުޒާހަރާ އިންތިޒާމުކުރާ ފަރާތްތަކުން ވަނީ އަންގާރަ ދުވަހު މުޒާހަރާތައް ހުއްޓާލާފަ އެވެ.
"އަޅުގަނޑުމެންގެ ހުރިހާ ޑިމާންޑެއް ސަރުކާރުން ބަލައިގެންފި،" މުޒާހަރާތަކުގައި އިސްކޮށް ހަރަކާތްތެރިވާ އެކްޓިވިސްޓެއް ކަމަށްވާ ޝައުކަތު ނަވާޒް މީރު ވިދާޅުވި އެވެ.
އަދި ހަމަނުޖެހުންތަކުގައި މަރުވި މީހުންގެ އާއިލާތަކަށް ސަރުކާރުން މާލީ ބަދަލު ދިނުމަށް ވެސް މީރު ވަނީ އެދިވަޑައިގެންފަ އެވެ. ހަފުތާ ބަންދުން ފެށިގެން ހަމަނުޖެހުންތައް އިތުރުވެ، ކަމާ ބެހޭ ފަރާތްތަކުން ވަނީ މޯބައިލް ހިދުމަތް ތައް ކަނޑާލައިފަ އެވެ.
ސްކޫލްތަކާއި ޕަބްލިކް ޓްރާންސްޕޯޓާއި ވިޔަފާރިތައް ވެސް ވަނީ މެދުކަނޑާލައިފަ އެވެ.
