ޗައިނާއިން ގުއަޓެމާލާގެ ޝިޕްމަންޓްތައް ބަލައިނުގަތުމަކީ ޓައިވާނުގެ ގުޅުމާ ގުޅުން ހުރި ކަމެއް ކަމަށް ބެލެވޭ: ގުއަޓެމާލާގެ ރައީސް
ގުއަޓެމާލާގެ ރައީސް ބާނާޑޯ އަރޭވާލޯ ހުކުރު ދުވަހު ވިދާޅުވީ މެދު އެމެރިކާގެ ގައުމަކުން ބައެއް ޝިޕްމަންޓްތަކަށް ޗައިނާއިން ވަނުމަށް ދެކޮޅު ހަދާފައިވާ ކަމަށާއި އެއީ ޓައިވާނާ އެކު ގުއަޓެމާލާގެ ޑިޕްލޮމެޓިކް ގުޅުމުގެ ސަބަބުން ކަމަށް ބެލެވޭ ކަމަށެވެ.
އޭގެ ކުރީ ދުވަހު ގުއަޓެމާލާގެ އެކްސްޕޯޓާސް އެސޯސިއޭޝަނުން ވަނީ މަދުވެގެން ހަތް ކޮންޓެއިނަރު މެކަޑަމިއާ ނަޓްސް ޗައިނާއަށް އެތެރެ ނުކުރެވޭ ކަމަށާއި ވިޔަފާރިވެރިންނަށް ގުއަޓެމާލަން މެކަޑަމިއާ އަށް އަންގާފައިވާ ކަމަށާއި ކޮފީ އަށް ނުވަދެވޭނެ ކަމަށް ބުނެފަ އެވެ.
ގުއަޓެމާލާއަކީ ޓައިވާނާ އެކު ސިޔާސީ ގުޅުން އޮންނަ އެންމެ 12 ގައުމުގެ ތެރޭގައި ހިމެނޭ ގައުމެކެވެ. ޑިމޮކްރެޓިކް އުސޫލުން ވެރިކަން ކުރާ މި ރަށަކީ އެގައުމުގެ އަމިއްލަ ސަރަހައްދެއް ކަމަށް ބެއިޖިން އިން ބުނަމުން އަންނަ އިރު، ޓައިވާނުން އެކަން ދޮގުކުރެ އެވެ.
"ތިޔަބޭފުޅުންނަށް އެނގިވަޑައިގަންނަވާނެ ފަދައިން، ގުއަޓެމާލާއާ ގުޅުން އޮންނަ ޓައިވާނުގެ އާ ސަރުކާރު އިފްތިތާހު ކޮށްދެއްވީ މީގެ ދުވަސްކޮޅެއް ކުރިން،" ޓިކްޓޮކްގައި ލައިވް ސުވާލާއި ޖަވާބު ސެޝަނެއްގައި އަރޭވަލޯ ވިދާޅުވި އެވެ. އަދި މިކަމާ ގުޅިގެން ޗައިނާއާ ދެމެދު ދެބަސްވުންތަކެއް އުފެދިދާނެ ކަމަށެވެ.
ޓައިވާންގެ ރައީސް ލައި ޗިންގް-ޓޭ ހުވާކުރެއްވުމުގެ ރަސްމިއްޔާތުގައި ގުއަޓެމާލާގެ ޚާރިޖީ ވަޒީރު ކާލޯސް ރަމިރޯ މާޓިނޭޒް ބައިވެރިވެވަޑައިގެންފިއެވެ.
އަރޭވާލޯ ވިދާޅުވީ ގުއަޓެމާލާގެ ސަރުކާރުން އެ މައްސަލަ ހައްލުކުރުމަށް މަސައްކަތް ކުރަމުން އަންނަ ކަމަށާއި ނަމަވެސް ޗައިނާގެ ޖަވާބެއް ލިބިފައި ނުވާ ކަމަށެވެ.
މިދިޔަ އަހަރު ގުއަޓެމާލާ އިން ޗައިނާއަށް 82 މިލިއަން ޑޮލަރުގެ މުދާ އެކްސްޕޯޓްކޮށްފައިވާ ކަމަށް އެކްސްޕޯޓްކުރާ އެސޯސިއޭޝަނުން ބުނެފި އެވެ.
ޓައިވާންގެ ރިޔާސީ އޮފީހުން ނެރުނު ރީޑްއައުޓެއްގައި ވާގޮތުން ލައި އާއި އަރޭވަލޯ އިއްޔެ ވީޑިއޯ ކޮންފަރެންސް މެދުވެރިކޮށް ވާހަކަ ދެއްކެވި އިރު ލައި ވަނީ އެމަނިކުފާނަށް ވަރަށް ބޮޑަށް ޝުކުރު އަދާކުރައްވައި ގުޅުން އިތުރަށް ބަދަހިކުރުމަށް ގޮވާލައްވާފަ އެވެ.
ޓައިވާނަށް ވަޑައިގަތުމަށް ލައި އަރޭވާލޯއަށް ދައުވަތު ދެއްވި އިރު، އަރޭވާލޯ ވަނީ ލައިއަށް ގުއަޓެމާލާއަށް ވަޑައިގަތުމަށް ދައުވަތު ދެއްވާފަ އެވެ.
