މާލެ ހަމަރޯޅިގޭގައި ރޯވި އަލިފާން ކޮންޓްރޯލް ކޮށްފި

މާލޭގެ ގެއެއްގައި އަލިފާނުގެ ހާދިސާއެއް ހިނގައިގެން، އެމްއެންޑީއެފުން ހަރަކާތްތެރިވެ އަލިފާންގަނޑު ކޮންޓްރޯލް ކޮށްފިއެވެ.

Ads by Sosun Fihaara

އެމްއެންޑީއެފްއިން ބުނީ، އަލިފާނުގެ ހާދިސާ ހިނގާފައިވަނީ ހ. ހަމަރޯޅި ގޭގައި ކަމަށެވެ.

އެ ހާދިސާގެ ރިޕޯޓް އެމްއެންޑީއެފްއަށް ލިބިފައިވަނީ މިއަދު ހަވީރު 4:35 ހާއިރު ކަމަށެވެ. އަދި އެމްއެންޑީއެފްގެ ފަޔާ ފައިޓަރުން އެ ސަރަހައްދުގައި ހަރަކާތްތެރިވެ، 5:14 ހާއިރު އަލިފާން ގަނޑު ކޮންޓްރޯލް ކުރެވިފައިވާ ކަމަށެވެ.

މި ހާދިސާގައި އެއްވެސް މީހަކަށް އަނިޔާވެފައިނުވާ ކަމަށް އެމްއެންޑީއެފްއިން ބުނެއެވެ.

އެ ގޭގައި އަލިފާން ރޯވާން މެދުވެރިވި ސަބަބު މިހާތަނަށް ސާފުވެފައެއް ނުވެއެވެ. އަދި މި ހާދިސާއާއި ގުޅޭ އިތުރު މައުލޫމާތު އެމްއެންޑީއެފްއިން ހިއްސާކޮށްފައެއް ނުވެއެވެ.