ގިނަ އަދަދެއްގެ މިލިޔަނަރުންތަކެއް ޗައިނާ ދޫކޮށް ދަނީ
2024 ވަނަ އަހަރު ރެކޯޑް އަދަދަކަށް މިލިއަނަރުން ޗައިނާ ދޫކޮށް ދާނެ ކަމަށް އަންދާޒާކޮށްފައިވާއިރު، މިއީ އޭޝިއާގެ ބޮޑު ގައުމުގެ އިގްތިސާދަށް މިހާރުވެސް ހީނަރުވެފައިވާ އިގްތިސާދަށް އަސަރު ކުރާނެ ކުރިއެރުމެއް ކަމަށް އާ ރިޕޯޓެއްގައި ބުނެފި އެވެ. އިނގިރޭސި ވިލާތުގެ އިންވެސްޓްމަންޓް އިމިގްރޭޝަން ކޮންސަލްޓެންސީ ހެންލީ އެންޑް ޕާޓްނާސް އިން ޖޫން މަހުގެ 18 ވަނަ ދުވަހު ނެރުނު ރިޕޯޓަކާ ހަވާލާދީ އިޕޮކް ޓައިމްސް އިން ރިޕޯޓުކޮށްފައިވާ ގޮތުގައި ކޮމިއުނިސްޓް ޗައިނާއަށް މި އަހަރު މަދުވެގެން 15،200 މިލިއަނަރުން ގެއްލޭނެ އެވެ.
"ހެންލީ ޕްރައިވެޓް ވެލްތް މައިގްރޭޝަން ރިޕޯޓް 2024" ގެ ނަމުގައި ނެރުނު ރިޕޯޓުގައިވާ ގޮތުން ރަނގަޅު ދިރިއުޅުމަކަށް އެދޭ މުއްސަނދި ޗައިނާގެ އާދަޔާ ހިލާފު އެންމެ މަތީ މަންޒިލްތަކުގެ ތެރޭގައި އެމެރިކާ، ކެނެޑާ އަދި ސިންގަޕޫރު ހިމެނެ އެވެ. ނަމަވެސް ފަހަކަށް އައިސް މުއްސަނދި ޗައިނާ މީހުން ދަނީ ޖަޕާނާ މެދު ވިސްނަމުންނެވެ.
"ޗައިނާ އަނެއްކާވެސް ދުނިޔޭގެ އެންމެ ބޮޑު މިލިއަނަރު ގެއްލުމުގެ މަގަށް މިސްރާބު ޖަހާފައިވާއިރު، މި އަހަރު 15،200 އެޗްއެންޑަބްލިއުއައި [ހައި ނެޓް-ވޯތު މީހުން] ނެޓް އެގްޒިޓްވާނެ ކަމަށް ލަފާކޮށްފައިވާއިރު، 2023 ވަނަ އަހަރު 13،800 މީހުން ވަނީ ބޭރުވެފަ އެވެ،" ރިޕޯޓުގައި ވެ އެވެ.
ދުނިޔޭގެ މުއްސަނދިކަން ހިޖުރަކުރުމުގައި 2024 ވަނަ އަހަރަކީ ވަރަށް ބޮޑު ކުރިއެރުމެއްގެ ގޮތުގައި ސިފަވަމުން އަންނަކަން ފާހަގަކުރައްވަމުން ހެންލީ އެންޑް ޕާޓްނާސްގެ ޕްރައިވެޓް ކްލައިންޓުންގެ ގްރޫޕް ހެޑް ޑޮމިނިކް ވޮލެކް ވިދާޅުވީ މިއަހަރު ދުނިޔޭގެ އެކި ކަންކޮޅުތަކަށް 128،000 މިލިއަނަރުން ބަދަލުވާނެ ކަމަށް ބެލެވޭ ކަމަށާއި، މީގެ ކުރިން 2023 ވަނަ އަހަރު ހެދި 120،000 މިލިއަނަރުންގެ ރެކޯޑް މުގުރާލާނެ ކަމަށެވެ.
"ޖިއޮޕޮލިޓިކަލް ނުތަނަވަސްކަމާއި އިގްތިސާދީ ނުތަނަވަސްކަމާއި އިޖުތިމާއީ ހަލަބޮލިކަމުގެ ފުރިހަމަ ތޫފާނަކާ މުޅި ދުނިޔެ ކުރިމަތިލަމުންދާއިރު މިލިއަނަރުން ވޯޓުލަނީ ރެކޯޑް އަދަދަކަށް ފައި އަޅައިގެން،" ވޮލެކް ވިދާޅުވި އެވެ.
"އެތައް ގޮތަކުން ބަލާއިރު، މި ބޮޑު މިލިއަނަރު ހިޖުރައަކީ ދުނިޔޭގެ މަންޒަރާއި މުއްސަނދިކަމާއި ބާރުގެ ޓެކްޓޯނިކް ޕްލެޓްތަކަށް ވަރަށް ބޮޑު ބަދަލެއް އަންނާނެ ކަމުގެ އިޝާރާތެއް ދޭ، އެ މީހުން ދޫކޮށްލާ ގައުމުތަކުގެ މުސްތަގުބަލަށް ނުވަތަ އެ މީހުންގެ އާ ގެއަކަށް ހަދާ ގައުމުތަކުގެ މުސްތަގުބަލަށް ދުރުރާސްތާ އަސަރުތަކެއް ކުރާނެ ކަމުގެ އިޝާރާތެއް،" އޭނާ ވިދާޅުވި އެވެ.
އިގްތިސާދީ ދުވެލި މަޑުޖެހުމާއި ޖިއޮޕޮލިޓިކަލް ނުތަނަވަސްކަމަކީ ޗައިނާގެ މިލިއަނަރުން އާ ރާސްތާއެއް ހޯދަން މަގުފަހިވާ މައިގަނޑު ސަބަބުތައް ކަމަށް ވޮލެކް ރިޕޯޓުގައި ވިދާޅުވެފައިވާއިރު، މުއްސަނދި ޗައިނާ މީހުންނާއި އެމީހުންގެ މުދާތައް ހީވެސް ނުކުރާ ވަރަށް ހިޖުރަކުރުމުން އެ ގައުމުގެ އިގްތިސާދީ ގޮންޖެހުންތައް އިތުރަށް ބޮޑުވެދާނެ ކަމަށް ވޮލެކް ރިޕޯޓުގައި ވިދާޅުވި އެވެ.
އިމިގްރޭޝަން އެނަލިސްޓުންނާ ހަވާލާދީ ހެންލީ އެންޑް ޕާޓްނާސް އިން ނެރުނު ރިޕޯޓުގައި ފާހަގަކޮށްފައިވާ ގޮތުގައި ފާއިތުވި އަހަރުތަކުގައި ޗައިނާގެ އާންމު މުއްސަނދިކަމުގެ ކުރިއެރުން މަޑުޖެހިފައިވާ ކަމަށާއި އޭގެ މާނައަކީ މި ބޭރުވުންތަކަކީ އާދަޔާ ހިލާފަށް ގެއްލުން ބޮޑު ކަމަކަށް ވެދާނެ ކަމަށެވެ.
Ads by STO
