119 ކިލޯ ޑްރަގް މައްސަލާގައި ދައުވާ ސާބިނުވި އެކަކުގެ މައްސަލަ ހައި ކޯޓަށް
![](https://dhen.mv/wp-content/uploads/2024/07/110255-untitled-1600-x-900-px-33-850x548.png)
މީގެ ތިން އަހަރެއްހާ ދުވަހު ކުރިން، ފުލުހުން ހިންގި އޮޕަރޭޝަނެއްގައި 119 ކިލޯގެ މަސްތުވާތަކެތި އަތުލައިގަތް މައްސަލާގައި ދައުވާ ސާބިތުނުވާ ކަމަށް ކަނޑައެޅި ދެ މީހުންގެ ތެރެއިން އެކަކުގެ ބައި ހައި ކޯޓުގައި އިސްތިއުނާފު ކުރުމަށް ޕްރޮސެކިއުޓަ ޖެނެރަލް އޮފީހުން ނިންމައިފި އެވެ.
މި މައްސަލާގައި ދައުވާ ކުރި މީހުންގެ ތެރެއިން ކްރިމިނަލް ކޯޓުގައި ކުށް ސާބިތުވި ކަމަށް ކަނޑައެޅީ ގދ. ހޯނޑެއްދޫ، ގުލޭނޫރަންމާގެ، އަލީ ޒުބައިރުގެ މައްޗަށެވެ. އޭނާ އުމުރަށް ޖަލަށް ލުމަށާއި އެއް ލައްކަ ރުފިޔާއިން ޖޫރިމަނާ ކުރުމަށް ހުކުމް ކުރީ މިދިޔަ މާޗު މަހު 20 ވަނަ ދުވަހު އެވެ.
ދެން ދައުވާ ކުރި މީހުންގެ ތެރެއިން ކުށް ސާބިތުނުވި ހުކުމް ހައި ކޯޓުގައި އިސްތިއުނާފު ނުކުރުމަށް ޕީޖީ އޮފީހުން ނިންމީ ގދ. ހޯނޑެއްދޫ، އިރުމަތީގެ، އަހުމަދު ސުނައިނުގެ ބައެވެ.
ގދ. ހޯނޑެއްދޫ، އަލޯރާ، އަހުމަދު މުޖާހިދުގެ ބައި އިސްތިއުނާފު ނުކުރުމަށް ނިންމީ އެ ބައި އިސްތިއުނާފުކޮށްގެން ކްރިމިނަލް ކޯޓުން ނިންމާފައިވާ ނިންމުމަށް ބަދަލު ގެނެވިދާނެ ކަމަށް ނުފެންނާތީ ކަމަށް ޕީޖީ އޮފީހުން ބުންޏެވެ.
މި މައްސަލައިގެ އިސްތިއުނާފު މުއްދަތު ހަމަވަނީ 08 ޖުލައި 2024 އަށެވެ. އެ ތާރީހުގެ ކުރިން އިސްތިއުނާފު ކޯޓަށް ހުށަހަޅާނެ ކަމަށް ޕީޖީ އޮފީހުން ބުންޏެވެ.
![](https://dhen.mv/wp-content/uploads/2024/06/Leaderboard_1200x150px-2-2.png)