ވިނަރެސް ފްލެޓްތަކަށް އެންމެނަށް އެޕްލައި ކުރެވޭ ކަމަށް ބުނެ ސްކޭމް ލިންކެއް ފޮނުވަނީ

ހުޅުމާލޭ ދެވަނަ ފިޔަވަހީގައި ގާއިމުކޮށްފައިވާ ވިނަރެސް ފްލެޓްތަކަށް ރާއްޖޭގެ ކޮންމެ ރައްޔިތަކަށް އެޕްލައި ކުރެވޭނެ ކަމަށް ބުނެ ސްކޭމް ލިންކެއް މެސެޖުކުރަމުންދާތީ ސަމާލުވުމަށް ދިވެހި ފުލުހުންގެ ހިދުމަތުން އެދިއްޖެ އެވެ.

Ads by STELCO

ފުލުހުންގެ ސޯޝަލް މީޑިއާ ހޭންޑަލްތަކުން ހިއްސާކުރި އެ ސްކޭމް މެސެޖުގައި އޮންނަނީ "ވިނަރެސް ފްލެޓްތަކަށް ރާއްޖޭގެ ކޮންމެ ރައްޔިތަކަށް ވެސް އެޕްލައި ކުރުމުގެ ފުރުސަތު އެޗްޑީސީން ހުޅުވާލައިފި އެވެ. އިތުރު މައުލޫމްތު އަޅުގަނޑުމެންގެ ވެބްސައިޓުން ލިބެން ހުންނާނެ އެވެ."

ފުލުހުން ބުނީ އެ މެސެޖާ އެކު، ފޮނުވާފައިވާ ލިންކު މެދުވެރިކޮށް ފޭސްބުކް އަދި އިންސްޓަގްރާމް އެކައުންޓުތައް ހެކްކޮށް ފްރެންޑް ލިސްޓުގައިވާ ފަރާތްތަކުގެ އަތުން ފައިސާ ހޯދަމުންދާ ކަން ފާހަގަކުރެވިފައިވާ ކަމަށެވެ.