ބަޔަކަށް ވަގުތީ ތަކުލީފުތަކެއް ލިބުނަސް ގާނޫނު ނަގަހައްޓާނަން : އިހުސާން
ދާހިލީ ހަމަޖެހުން ކަށަވަރު ކުރުމުގެ މަސައްކަތުގައި ކޮންމެ ވެސް ބަޔަކަށް ވަގުތީ ތަކުލީފުތަކެއް އަޔަސް އެ މަސައްކަތް ކުރަން އޮތް ގާނޫނުތައް ނަގަހައްޓާނެ ކަމަށް ހޯމް މިނިސްޓަރު އަލީ އިހުސާން ވިދާޅުވެއްޖެ އެވެ.
ރައްކާ ޕްރޮގްރާމަށް 10 އަހަރު ފުރުން ފާހަގަ ކުރަން ފުވައްމުލައް ސިޓީގައި ރޭ ބޭއްވި ރަސްމިއްޔާތުގައި އިހުސާން ވިދާޅުވީ ދާހިލީ ހަމަޖެހުން ކަށަވަރު ކުރަން ތިން މައްސަލައަކަށް ވަރަށް ބޮޑަށް އިސްކަމެއް ދީފައިވާނެ ކަމަށެވެ.
އެއީ މަސްތުވާތަކެތީގެ މައްސަލައާއި، ގޭންގު ކުށްތަކުގެ މައްސަލައިގެ އިތުރަށް ގަވާއިދާ ޚިލާފަށް އުޅޭ ބިދޭސީންގެ މައްސަލަ އެވެ.
އެ މަސައްކަތްތަކުން ހަގީގީ ނަތީޖާއެއް ފެންނާނީ ހުރިހާ ރައްޔިތުންގެ އެއްބާރުލުން ލިބިގެން ކަމަށެވެ.
"އަދި މި ކަންކަން ކުރުމުގައި މިހާރު އާންމު ކަމެއްގެ ގޮތުގައި ދެކޭ ކަންކަމާއި، އޯކޭ ކަމެއް ކަމަށް ދެކޭ ކަންކަން ބަދަލުވާން ޖެހޭ," ބައެއް ކުށްތަކަކީ ރިޕޯޓްކުރަން ނުޖެހޭ ކަންކަން ގޮތުގައި ނުދެއްކުމަށް ވެސް އެދިވަޑައިގަންނަވަމުން އިހުސާން ވިދާޅުވި އެވެ.
