ހަށިގަނޑުގެ ތެރެއިން ޑްރަގު ފެނުނު ގާނާ މީހާ ޝަރީއަތް ނިމެންދެން ބަންދަށް
ހަށިގަނޑުގެ ތެރެއިން މަސްތުވާތަކެތި ފެނުނު ކަމުގެ ތުހުމަތުގައި ހައްޔަރު ކުރި އެފްރިކާގެ ގާނާ މީހާ ޝަރީއަތް ނިމެންދެން ބަންދު ކުރުމަށް ކްރިމިނަލް ކޯޓުން މިއަދު އަމުރުކޮށްފި އެވެ.
އުމުރުން 56 އަހަރުގެ ފިރިހެން މީހާ ހައްޔަރުކޮށް 15 ދުވަހުގެ ބަންދު މުއްދަތެއް ކޯޓުން ދިނީ މިދިޔަ ޖޫން މަހުގެ 14 ވަނަ ދުވަހުގަ އެވެ. އޭނާއަށް ބަންދު މުއްދަތު އިތުރުކުރަމުންދާތާ ދެ މަސް ފަހުން އިއްޔެ ކޯޓުން ވަނީ ޝަރީއަތް ނިމެންދެން ބަންދު ކުރުމުގެ އަމުރު ނެރެދީފަ އެވެ.
ކޯޓު އަމުރުގައި ބުނެފައިވާ ގޮތުން އޭނާގެ ހަށިގަނޑުގައި ފޮރިން ބޮޑީސް ހުރި ކަމަށް ތުހުމަތު ކުރެވިގެން އައިޖީއެމްއެޗް ހޮސްޕިޓަަލަށް ގެންގޮސް ސްކޭން ކޮށްފައިވެ އެވެ. އަދި ހަށިގަނޑުން ފެނުނު ތަކެތި މަސްތުވާތަކެއްޗަށް ޕޮޒިޓިވް ވެފައިވާ ކަމަށް ވެސް ކޯޓު އަމުރުގައިވެ އެވެ.
އޭނާ ކުށަށް އިިއުތިރާފުވެ ދައުލަތާއެކު އިއުތިރާފު އެއްބަސްވުމެއް ގާއިމު ކުރުމުގެ މަސައްކަތް ކުރަމުންދާ ކަމަށް ވެސް ކޯޓު އަމުރުގައި ފާހަގަކޮށްފައިވެ އެވެ.
